बॉलिवूड अभिनेता सुशांत सिंह राजपूत याने गळफास घेऊन आत्महत्या केली. नैराश्यामुळे त्याने आत्महत्या केल्याचं म्हटलं जात आहे. मात्र अनेक कलाकारांनी सुशांतच्या आत्महत्येसाठी बॉलिवूडमधील घराणेशाहीला जबाबदार धरलं आहे. अन् याचा सर्वाधिक दोष दिला जातोय निर्माता करण जोहर, अभिनेता सलमान खान, अभिनेत्री आलिया भट्ट आणि सोनम कपूर यांना. या मंडळींनी सुशांतला श्रद्धांजली अर्पण करण्यासाठी काही सोशल मीडिया पोस्ट केल्या होत्या. मात्र या पोस्टमुळे नेटकरी प्रचंड संतापले आहेत. परिणामी त्यांची सोशल मीडियावरील लोकप्रियता कमालीची कमी झाली आहे. View this post on Instagram I blame myself for not being in touch with you for the past year... I have felt at times like you may have needed people to share your life with.but somehow I never followed up on that feeling.will never make that mistake again.we live in very energetic and noisy but still very isolated times .some of us succumb to these silences and go within.we need to not just make relationships but also constantly nurture them..Sushants unfortunate demise has been a huge wake up call to me .to my level of compassion and to my ability to foster and protect my equations...I hope this resonates with all of you as well..will miss your infectious smile and your bear hug .. A post shared by Karan Johar (@karanjohar) on Jun 14, 2020 at 4:07am PDT सलमान आणि करणला 'नेपोटिझम प्रमोटर' असं म्हटलं जात आहे. या मंडळींनी स्टार किड्सला संधी मिळावी म्हणून अनेकांची करिअर संपवली असा अरोप त्यांच्यावर केला जात आहे. या पार्श्वभूमीवर करणचे एक लाख ८८ हजार फॉलोअर्स कमी झाले आहेत. तर दुसरीकडे सलमानचे ५० हजार फॉलोअर्स कमी झाले आहेत. I’m in a deep state of shock. No matter how much I think about it, I don’t have the words. I’m totally devastated. You've left us too soon. You will be missed by each and every one of us. My deepest condolences to Sushant's family, loved ones, and his fans. — Alia Bhatt (@aliaa08) June 14, 2020 घराणेशाही विरोधातील संतापाचा सर्वाधिक फटका बसलाय तो अभिनेत्री आलिया भट्टला. तिचे तब्बल चार लाख ४४ हजार फॉलोअर्स कमी झाले आहेत. असाच काहीसा प्रकार अभिनेत्री सोनम कपूरच्या बाबतीत घडला आहे. तिचे ८४ हजार फॉलोअर्स कमी झाले आहेत. या सर्व मंडळींनी कधीनाकधी सुशांतची खिल्ली उडवली होती. त्यांचे व्हिडीओ क्लिप आता सोशल मीडियावर व्हायरल होत आहेत. या पार्श्वभूमीवर नेटकरी संतापले आणि त्यांनी या कलाकारांना अनफॉलो करण्यास सुरुवात केली. View this post on Instagram It is important to give talent their due. And if celebrities are struggling with personal and mental health issues, the media should try and emphasize with them, rather than making it difficult for them! A post shared by Kangana Ranaut (@team_kangana_ranaut) on Jun 15, 2020 at 2:44am PDT एकीकडे बॉलिवूडमधील घराणेशाहीचा पुरस्कार करणाऱ्या कलाकारांचे फॉलोअर्स कमी होत आहेत. तर दुसरीकडे त्यांचा विरोध करणाऱ्या कंगनाचे फॉलोअर्स मात्र वाढत आहेत. तिने सुशांतच्या आत्महत्येसाठी बॉलिवूडमधील घराणेशाहीला दोष दिला होता. हा व्हिडीओ सोशल मीडियावर चांगलाच चर्चेत आहे. हा व्हिडीओ पोस्ट झाल्यानंतर काही तासांमध्ये तिचे तब्बल १२ लाख फॉलोअर्स वाढले. यापूर्वी तिचे केवळ २० लाख फॉलोअर्स होते. आता ३२ लाख लोक तिला फॉलो करत आहेत.
