आत्महत्येच्या एक दिवस आधी सुशांतने केली ‘ही’ गोष्ट

१३ जून रोजी संध्याकाळी सुशांतने टॅलेंट मॅनेजर उदय सिंह गौरीशी बराच वेळ गप्पा मारल्या. सुशांतची मानसिक स्थिती त्यावेळी अगदी सामान्य असल्याचं त्यांनी सांगितलं. त्यानंतर सुशांत १५ ते २० मिनिटं निर्माते तौरानी दिग्दर्शक अडवाणी यांच्याशी व्हॉट्स अॅपवर बोलत होता. या चर्चेदरम्यान मी एका चित्रपटाची स्क्रीप्ट सुशांतला सांगितली आणि ते ऐकतानासुद्धा सुशांतची मनस्थिती योग्य होती, अशी माहिती अडवाणींनी वृत्तवाहिनीशी बोलताना दिली. इतकंच नव्हे तर सुशांतने त्यांना बरीच प्रश्नेसुद्धा विचारली होती आणि त्याने काही बदलसुद्धा सुचवले होते.

सुशांतच्या फोन कॉल्स रेकॉर्डमधून याबाबत आणखी माहिती समोर आली. सुशांत एकामागोमाग एक अशा पाच फोन कॉल्सवर जवळपास १२ मिनिटांसाठी बोलत होता. टॅलेंट मॅनेजर गौरी यांच्याशीसुद्धा त्याने ३६८ सेकंद बातचित केली होती.

सुशांतच्या मृत्यू प्रकरणाचा गुंता दिवसेंदिवस वाढत आहे. आता या प्रकरणाचा तपास सीबीआय करणार आहे.