“दागिने मी स्वत:च…”, एजे लीलाची मकर संक्रांत खास करणार; ‘नवरी मिळे हिटलरला’ मालिकेत काय घडणार?पाहा प्रोमो

एजे लीलाची मकर संक्रांत खास करणार

झी मराठी वाहिनीने सोशल मीडियावर नवरी मिळे हिटलरला या मालिकेचा प्रोमो शेअर केला आहे. या प्रोमोमध्ये पाहायला मिळते की, लीला तिच्या सासरी आहे आणि ती एजेला शोधत आहे. एजे मात्र लीलाच्या माहेरी गेला आहे. तो त्यांच्या स्वयंपाकघरात काहीतरी बनवत असल्याचे दिसत आहे. लीलाचे वडील म्हणतात की, एजे काय करायचं ते आम्हाला सांगा. आम्ही करतो ना. त्यानंतर रेवती एजेला विचारते की, तुम्ही काय करताय ते तरी सांगा. त्यावर एजे म्हणतो, “हलव्याचे दागिने. लीलाची पहिली संक्रांत आहे आणि तिचे दागिने मी स्वत:च बनवतोय. त्यानंतर रेवती यशला व्हिडीओ कॉलवर सांगते की, यश एजे स्वत:च्या हातांनी ताईसाठी हलव्याचे दागिने बनवीत आहेत.

हा प्रोमो शेअर करताना, झी मराठी वाहिनीने, “एजेमुळे गोड होणार लीलाची पहिली मकर संक्रांत…!”, अशी कॅप्शन दिली आहे.

मालिकेत दाखविल्याप्रमाणे, नवरी मिळे हिटलरला या मालिकेत सध्या लीला व एजेची प्रेमकथा पाहायला मिळत आहे. एजेला तो लीलाच्या प्रेमात पडला आहे, याची जाणीव झाली आहे. या सगळ्यात लीलाच्या आयुष्यात मन्या नावाची व्यक्ती आली आहे. खरे तर हा सरस्वतीचा भाऊ विक्रांत आहे, जो वेशभूषा बदलून आला आहे. लीला व एजे यांच्यातील जवळीक वाढत असताना हा मन्या त्यांच्या आयुष्यात सतत कोणत्या ना कोणत्या कारणाने डोकावताना दिसतो. आता मालिकेत पुढे काय होणार, लीलाचा मकर संक्रांतीचा सण कसा साजरा होणार, हे पाहण्यासाठी प्रेक्षक उत्सुक आहेत.