गेल्या काही वर्षांत छोट्या पडद्याची लोकप्रियता मोठ्या प्रमाणात वाढली आहे. अनेक नवनवीन कलाकार मालिका विश्वात पदार्पण करत आहेत. अशातच 'अजूनही बरसात आहे' या मालिकेतून घरोघरी पोहोचलेला अभिनेता संकेत कोर्लेकरच्या बहिणीने देखील छोट्या पडद्यावर पदार्पण केलं आहे. यासंदर्भात अभिनेत्याने पोस्ट लिहून माहिती दिली आहे. संकेतच्या सख्ख्या बहिणीचं नाव उमा असून तो तिच्याबरोबर विविध विषयांवर आधारित रील्स बनवतो. या भावा-बहिणीची जोडी सोशल मीडियावर चांगलीच लोकप्रिय आहे. आता भावा पाठोपाठ उमाने सुद्धा छोट्या पडद्यावर आपली छाप उमटवली आहे. हेही वाचा : “लोक म्हणतात ही जोकर आहे”, सारा अली खानने ट्रोलिंगवर केलं भाष्य; म्हणाली, “मला मूर्ख, चुकीचं…” लाडक्या बहिणीसाठी खास पोस्ट शेअर करत संकेत लिहितो, "उमा तू पहिल्यांदा टीव्हीवर दिसलीस आणि नेमकं मी तिथे तुला बघायला नाही आहे. पण, आनंद ह्याच गोष्टीचा आहे की, तुझ्या स्वप्नांना उशिरा का होईना पण सुरुवात झाली. स्वतःच्या जीवावर माझीही मदत न घेता ही लहानशी भूमिका मिळवलीस. तुझा उत्तम अभिनय लवकरच योग्य व्यक्तीपर्यंत पोहोचेल आणि तुला अजून छान भूमिका मिळेल ज्यातून तुला तुझं खरं पोटेनशियल लोकांना दाखवता येईल." हेही वाचा : Video : “प्रेमिका…”, प्रभूदेवाच्या व्हायरल गाण्यावर माधुरी दीक्षितचा डान्स, धकधक गर्लची नेटकऱ्यांना भुरळ संकेत पुढे म्हणतो, "आज चित्रपटसृष्टीत माझं १२ वं वर्ष सुरु आहे ह्या हक्काने तुला सांगेन की उतू नको मातू नको हातातलं काम अर्ध्यात सोडू नको. खूप शुभेच्छा.. माझी मैत्रीण मानसी सुरेशला खूप प्रेम कारण १० दिवस तिने उमाची खूप काळजी घेतली त्यात माझा मित्र आकाश नलावडेचं देखील कौतुक की सेटवर त्याने उमाची पुरेपूर काळजी घेतली." दरम्यान, संकेतच्या कामाबद्दल सांगायचं झालं, तर आतापर्यंत त्याने 'हम बने तुम बने', 'अजूनही बरसात आहे' या मालिकांमध्ये प्रमुख भूमिका साकारल्या आहेत. याशिवाय 'टकाटक' चित्रपटात देखील काम केलं आहे.
