“तुमची नेहमीच आठवण येत राहील”; वडिलांच्या आठवणीत अंकिता लोखंडेची भावूक पोस्ट

हेही वाचा- Video : “मोठी बहीण खरंतर आईच असते…”, तितिक्षा तावडेची बहीण खुशबूसाठी खास कविता, ऐकताच डोळ्यात येईल पाणी!

अंकिताने वडिलांच्या आठवणीत इन्स्टाग्रामवर एक स्टोरी शेअर केली आहे. स्टोरीमध्ये अंकिताने वडिलांच्या निधनानंतर आयोजित करण्यात आलेल्या शोकसभेची माहिती दिली आहे. अंकिताने पोस्टमध्ये लिहिलं आहे. प्रियर मीट. तुमची नेहमीच आठवण येत राहील. आज (१४ ऑगस्टला) संध्याकाळी ४ ते ६ दरम्यान मुंबईच्या मालाड पश्चिममध्ये या शोक सभेचे आयोजन करण्यात आलं आहे.

मिळालेल्या माहितीनुसार अंकिताचे वडील व्यवसायाने बँकर होते. गेल्या काही दिवसांपासून ते आजारी होते. त्यामुळे अनेकदा त्यांना रुग्णालयात दाखल करण्यात आलं होतं. वडिलांच्या अंत्यसंस्कारवेळी अंकिता हमसून हमसून रडत होती. अंकिताने वडील शशिकांत लोखंडे यांच्या पार्थिवाला खांदा दिला होता.

अंकिताबद्दल बोलायचे झाले तर ती एक मोठी टेलिव्हिजन अभिनेत्री आहे. तिने तिच्या करिअरची सुरुवात एकता कपूरच्या ‘पवित्र रिश्ता’ या मालिकेतून केली. या मालिकेत अंकिताने साकारलेली भूमिका प्रेक्षकांना खूप आवडली होती. याशिवाय अंकिता कंगना राणौतबरोबर ‘मणिकर्णिका’ या चित्रपटातही दिसली आहे.