स्टार प्रवाह वाहिनीवरील ‘सुख म्हणजे नक्की काय असतं’ ही मालिका सध्या चांगलीच चर्चेत आहे. या मालिकेतील सर्वच कलाकार कायमच चर्चेत असतात. नुकतंच या मालिकेतून प्रसिद्धीझोतात आलेला अभिनेता अभिषेक गावकर हा एका वेगळ्याच कारणांनी चर्चेत आला आहे. अभिषेक गावकर हा सध्या सोशल मीडिया रिलस्टार असणाऱ्या सोनाली गुरवला डेट करत आहे.
सोनाली गुरवने नुकतंच इन्स्टाग्रामवर काही पोस्ट शेअर केल्या आहेत. यात सोनाली आणि अभिषेक हे फिरण्यासाठी गेल्याचे पाहायला मिळत आहेत. नुकतंच सोनालीने तिच्या इन्स्टाग्रामवर दोघांचा एक छान फोटो पोस्ट केला आहे. त्यात ते दोघेही एकत्र बसल्याचे पाहायला मिळत आहे.
आणखी वाचा : “ही वेळ आपल्या घरच्या मुलीवरही येऊ शकते”, प्रसिद्ध इन्स्टा स्टारची व्हायरल अश्लील व्हिडीओप्रकरणी पोलिसांत धाव, म्हणाली “लोकांना मजा मारायला…”
तर दुसऱ्या फोटोत सोनालीने अभिषेकचा फोटो पोस्ट केला आहे. विशेष म्हणजे अभिषेक लवकरच झी मराठीवरील एका नव्या मालिकेत झळकणार आहे. सारं काही तिच्यासाठी असे या मालिकेचे नाव आहे. या मालिकेततो कोणतं पात्र साकारणार याबद्दल माहिती मिळालेली नाही.
मात्र सोनालीने त्याला या मालिकेसाठी शुभेच्छा दिल्या आहेत. “तुझ्यासाठी मी फारच आनंदी आहे”, अशी कमेंट तिने केली आहे. त्याबरोबरच तिने हार्ट इमोजी पोस्ट केला आहे. सोनालीच्या या फोटोंची आणि तिच्या स्टोरीची सध्या चांगलीच चर्चा रंगली आहे.
विशेष म्हणजे सोनाली आणि अभिषेकने याआधीही इन्स्टाग्रामवर फोटो पोस्ट केले होते. त्यामुळे ते दोघेही रिलेशनशिपमध्ये असल्याचा अंदाज वर्तवला जात होतो. मात्र आता तिच्या या कमेंटमुळे त्यावर शिक्कामोर्तब झालं आहे.
दरम्यान अभिषेकने ‘सुख म्हणजे नक्की काय असतं’ या मालिकेत अनिल हे पात्र साकारलं होतं. त्याबरोबरच तो ‘रात्रीस खेळ चाले’ या मालिकेतही झळकला होता. याबरोबर त्याने ‘अंजली’ या मालिकेतही काम केले आहे. तर सोनाली ही सोशल मीडियावर रिल स्टार म्हणून प्रसिद्ध आहे. ती अनेक व्हिडीओ शेअर करताना दिसते.
