बॉलीवूड अभिनेता शाहरुख खानच्या 'जवान' या चित्रपटाची सध्या जोरदार चर्चा सुरू आहे. बॉस ऑफिसवर छप्परफाड कमाई हा चित्रपट करत आहे. किंग खानचे कोट्यवधी चाहते या चित्रपटावर भरभरून प्रेम करत आहेत. कलाकार मंडळी देखील हा चित्रपट पाहून त्यावर आपली प्रतिक्रिया व्यक्त करत आहेत. असा एक शाहरुखचा जबरा फॅन म्हणजे अभिनेते किरण माने. हेही वाचा - “अर्ध्या हळकुंडाने पिवळे झालेले…”; शशांक केतकरवर एका ज्येष्ठ अभिनेत्यानं केली होती टीका, वाचा किस्सा 'जवान' प्रदर्शित झाल्यापासून किरण माने या चित्रपटासंबंधित सोशल मीडियावर अनेक पोस्ट शेअर करत आहेत. शाहरुखविषयी आपल्या भावना व्यक्त करत आहेत. आता त्यांनी 'जवान' चित्रपटातील 'चलेया' या गाण्यावरचा डान्स व्हिडीओ शेअर केला आहे. या व्हिडीओमध्ये, किरण माने ‘सिंधुताई माझी माई’ या मालिकेतील चिंधी म्हणजे बालकलाकार अनन्या टेकवडे बरोबर 'चलेया' या गाण्यावर डान्स करताना दिसत आहेत. किरण माने यांनी हा व्हिडीओ शेअर करत लिहीलं आहे की, "लाडक्या लेकीचा हट्ट पुरवावा लागला. मला नाचता येत नसतानाबी नाचायला लागलं." हेही वाचा - “पडले, धडपडले, पुन्हा उठले…” ‘प्रेमाची गोष्ट’ फेम तेजश्री प्रधानची ‘ती’ पोस्ट चर्चेत, म्हणाली… हेही वाचा – “आम्ही मुर्ख आहोत, तुम्हाला मतदान करतोय”; ‘तुझेच मी गीत गात आहे’ फेम तेजस्विनी लोणारीचं सध्याच्या राजकारणावर परखड मत, म्हणाली… ऑनस्क्रीनवरील लेकीबरोबरचा हा व्हिडीओ पाहिल्यानंतर किरण मानेंना आता खऱ्या आयुष्यातल्या लेकीबरोबरचा व्हिडीओ शेअर करण्यासाठी चाहते सांगत आहे. तसेच त्यांच्या या व्हिडीओतील डान्सचे चाहते कौतुक देखील करत आहेत. हेही वाचा – दाक्षिणात्य सुपरस्टार अडकला लग्नबंधनात; ‘या’ अभिनेत्रीबरोबर घेतले सात फेरे दरम्यान, किरण माने यांची ‘सिंधुताई माझी माई’ ही मालिका प्रेक्षकांच्या चांगलीच पसंतीस पडली आहे. या मालिकेतही त्यांनी वडिलांची भूमिका साकारली आहे. यापूर्वी त्यांनी ‘स्टार प्रवाह’ वाहिनीवरील ‘मुलगी झाली हो’मध्ये वडिलांची भूमिका साकारली होती; जी चांगलीच गाजली होती.
