“तू परत आल्याने मालिकेमध्ये…”, अनिता दातेसाठी ‘नवा गडी नवं राज्य’मधील अभिनेत्रीची पोस्ट, म्हणाली…

अभिनेत्री कीर्ती पेंढारकरने नुकतंच इन्स्टाग्रामवर एक पोस्ट शेअर केली आहे. त्यात तिने एक फोटो पोस्ट केला आहे. याला कॅप्शन देताना तिने वाढदिवसाच्या शुभेच्छा दिल्या आहेत.

कीर्ती पेंढारकरची पोस्ट

Happy Birthday अनिता, काही दिवसापूर्वी मी एक पोस्ट टाकली होती कि ‘ती परत आलीये, आता मज्जा येणार’. तू परत आल्याने सिरीयल मध्ये तर मज्जा येतेच आहे पण तुझ्या बरोबर असल्याने, आम्हाला खूप मज्जा येतेय…

तुझा sense of humour कमाल आहे. तुझं कामावरचं असलेले प्रेम आणि त्यासाठी घ्यावे लागणारे निर्णय सुद्धा तू अगदी विचारपूर्वक घेतेस. कायम अशीच राहा आणि दुसऱ्यांना हसवत राहा. तुझ्या सगळ्या इच्छा पूर्ण होऊदेत, God bless u, असे कीर्ती पेंढारकरने म्हटले आहे.

दरम्यान अनिताने २००८ मध्ये ‘सनई चौघडे’ या चित्रपटातून सिनेसृष्टीत पदार्पण केले. त्यानंतर ती ‘कॉफी आणि बरंच काही’, ‘आजोबा’, ‘पोपट’, ‘सीमा’, ‘जोगवा’, ‘अडगुळ मडगुळ’ या चित्रपटात झळकली. झी मराठीवरील ‘माझ्या नवऱ्याची बायको’ या मालिकेतून ती प्रसिद्धीझोतात आली. सध्या ती ‘नवा गडी नवं राज्य’ या मालिकेत झळकत आहे.