रेश्मा शिंदेचा साऊथ इंडियन पती तिला ‘या’ नावाने मारतो हाक; गूगलवर स्वत:बद्दल काय सर्च करते? म्हणाली, “खरंतर मी कधीच…”

रेश्मा शिंदेचा नवरा पवन हा साऊथ इंडियन असून तो आयटी प्रोफेशनमधला आहे. नुकत्याच अल्ट्रा बझ मराठीला दिलेल्या मुलाखतीत अभिनेत्रीला तिच्या टोपणनावाबद्दल विचारण्यात आलं. यावेळी रेश्माने तिला “सोनू, सोंडू, शोन्नम्मा” म्हणतात असा खुलासा केला.

नवरा तुला कोणत्या नावाने हाक मारतो असं विचारताच रेश्मा म्हणाली, “शोन्नम्मा…तो एकदम साऊथ इंडियन टचमध्ये म्हणतो. मलाही ते आवडतं.”

रेश्मा गूगलवर कधी स्वत:बद्दल सर्च करते का? यावर अभिनेत्री म्हणाली, “खरंतर मी कधीच असं स्वत:बद्दल खास सर्च वगैरे करून पाहिलं नाहीये…असं काही असेल तर लोक टॅग करतात तेव्हा मला समजतं. पण, मी आता नक्की सर्च करून बघेन.”

गूगलवर तुझ्याबद्दल असणारी चुकीची माहिती कोणती? यावर रेश्मा म्हणाली, “माझा पर डे ( मानधन ), एवढं मोठं घर आहे…एवढं कमवते. हे सगळं तुम्हाला कसं समजतं? बरं हे जे कोणी करत असेल त्यांच्या तोंडात तूप-साखर… खरंच असं होऊदेत. तुम्ही माझ्यासाठी खूप छान मॅनिफेस्ट करताय. पण, बाकीच्या लोकांना यामुळे काही गैरसमज होऊ शकतात.”

दरम्यान, रेश्मा शिंदेच्या वर्कफ्रंटबद्दल सांगायचं झालं तर, सध्या ती ‘घरोघरी मातीच्या चुली’ या मालिकेत प्रमुख भूमिका साकारत आहे. यामध्ये प्रेक्षकांना आता जानकी-हृषिकेशची लव्हस्टोरी पाहायला मिळत आहे. कारण, मालिकेमध्ये सध्या १२ वर्षांपूर्वीच फ्लॅशबॅक कथा सुरू आहे. ही मालिका ‘स्टार प्रवाह’वर रात्री ७:३० वाजता प्रसारित केली जाते.