‘बिग बॉस’ हिंदीच्या १६ व्या पर्वात फिनालेपर्यंत पोहोचलेले अर्चना गौतम व शिव ठाकरे, तसेच सुंबूल तौकीर खान लवकरच स्क्रीन शेअर करताना दिसणार आहे. होय, शो संपल्यानंतर जवळजवळ दोन महिन्यांनी हे तिघेही एकत्र एकाच शोमध्ये दिसतील. यासंदर्भात रुबीना दिलैकने एक पोस्ट शेअर केली आहे.
रुबीना दिलैकने इंस्टाग्रामवर तीन फोटो पोस्ट केले आहेत. पहिल्या फोटोमध्ये ती हर्ष लिंबाचिया, करण कुंद्रा आणि तेजस्वी प्रकाशसोबत दिसत आहे. भारती सिंगचा पती या तिघांवर लक्ष ठेवून आहे. त्याचबरोबर हे सर्वजण काही ना काही टास्क करताना दिसत आहेत. यानंतर दुसऱ्या फोटोमध्ये रुबीना सोफ्याच्या हँडलवर बसलेली आहे. तिथे तिच्या डाव्या बाजूला अर्चना गौतम आणि शिव ठाकरे उभे आहेत. तर उजवीकडे हर्ष लिंबाचिया आणि पुनित पाठक हे दोघेही वाद घालताना दिसत आहेत.
तिसऱ्या फोटोमध्ये रुबीना दिलैकचा एक हात पुनीत पाठक आणि दुसरा हात अर्जुन बिजलानीने धरला आहे. तिघेही हसत आहेत. हर्ष लिंबाचिया आणि सुंबुल तौकीर खान धक्कादायक प्रतिक्रिया देत आहेत. तर शिव ठाकरे आणि अर्चना गौतम तोंड पाडून उभे आहेत. या फोटोंसोबत रुबिनाने कॅप्शन लिहून याबद्दल माहिती दिली.
रुबीना दिलैकने कॅप्शनमध्ये लिहिलंय की, ही टॉर्चरची वेळ आहे. (हास्य आणि विनोदांसह.) हाऊसफुल बे-बी सोमवार ते रविवार म्हणजे सातही दिवस रात्री 10 वाजता कलर्स टीव्हीवर प्रसारित होईल. या शोचे नाव ‘एंटरटेनमेंट की रात हाऊसफुल’ असं असेल. ज्यामध्ये सेलेब्स येतील आणि त्यांच्यासोबत काही मजेदार टास्क केले जातील. हा शो १५ एप्रिलपासून सुरू होणार आहे.
दरम्यान, बिग बॉस संपल्यानंतर शिव ठाकरे, सुंबूल तौकीर खान व अर्चना गौतम तिघेही एकत्र दिसणार आहे. त्यामुळे चाहत्यांमध्ये या शोबद्दल खूप उत्सुकता आहे.
