‘शिवा’ फेम पूर्वा कौशिकने ऑनस्क्रीन बहिणीबरोबर शेअर केले फोटो; म्हणाली…

टीव्ही जगतातील लोकप्रिय अभिनेत्री पूर्वा कौशिकने सोशल मीडियावर काही फोटो शेअर केले आहेत. या फोटोंमध्ये तिच्याबरोबर मालिकेत तिच्या बहिणीची भूमिका साकारणारी अभिनेत्री सृष्टी बहेकर दिसत आहे. वेगवेगळ्या पोज देत त्यांनी फोटो शेअर केले आहेत. हे फोटो शेअर करताना अभिनेत्री लिहिले की जिथे शब्दांचीही गरज भासत नाही, अशा सुंदर नात्यात मी हरवले आहे. या दोन सहअभिनेत्रींमध्ये उत्तम मैत्री असल्याचे पाहला मिळते. अनेकदा या पूर्वा व सृष्टी डान्सचे व्हिडीओ शेअर करताना दिसतात. ऑनस्क्रीन बहिणी असलेल्या या अभिनेत्रींमध्ये खास बॉण्ड असल्याचे असल्याचे बऱ्याचदा पाहायला मिळते. पूर्वाने शेअर केलेल्या या फोटोंवर अनेक चाहत्यांनी कमेंट करत त्यांचे कौतुक केले आहे. अनेकांनी हार्ट इमोजी शेअर करत त्यांचे कौतुक केले आहे. अभिनेत्री शर्वरी जोगने या फोटोंवर कमेंट करीत हार्ट इमोजी शेअर केली आहे.

शिवा या मालिकेत अभिनेत्री पूर्वा कौशिकने शिवा ही भूमिका साकारली आहे. तर सृष्टी बहेकरने शिवाची बहीण दिव्या ही भूमिका साकारली आहे. शिवा ही कणखर, परिवाराची काळजी घेणारी अशी आहे. तर दिव्या शिवाविरूद्ध कटकारस्थान करणारी अशी आहे. सध्या मालिकेत दिव्या व किर्तीने मिळून शिवाविरूद्ध कारस्थान केले. त्यांच्यामुळे आशू व शिवामध्ये दुरावा निर्माण झाला आहे. आता आशू व नेहाच्या लग्नाच्या विधींनी सुरूवात झाली आहे. मेंहदी, संगीत सोहळ्याला सुरूवात झाल्याचे मालिकेत पाहायला मिळाले. याबरोबरच, नुकत्याच समोर आलेल्या प्रोमोमध्ये चंदनने दिव्याचे सत्य शिवासमोर आणले आहे. आता मालिकेत पुढे काय होणार, हे पाहणे महत्वाचे ठरणार आहे.