द्रष्टी धामन ‘झलक दिखला जा ६’ची विजेती

टीव्ही कलाकार द्रष्टी धामन ही ‘झलक दिखला जा ६’ची विजेती ठरली आहे. तिला नृत्य दिग्दर्शक सलमान खानची साथ लाभली होती. शो च्या सुरुवातीपासूनच द्रष्टीने तिच्या धडाकेबाज परफॉर्मन्सने परिक्षकांचे आणि प्रेक्षकांचे मन जिंकले होते. झलकच्या फायनलमध्ये तिने ‘रंगिला रे’ गाण्यावर नृत्य सादर केले होते. यावेळी ‘क्रिश ३’ च्या प्रोमोशनसाठी  शोमध्ये आलेल्या हृतिक रोशननेही तिनही परिक्षकांसोबत तिच्या नृत्याची प्रशंसा केली.
द्रष्टी आणि सलमानला ट्रॉफी आणि ५० लाख रुपयांचा धनादेश करण जोहर आणि रेमो डिसोजाच्या हस्ते देण्यात आला. मात्र, द्रष्टीची प्रतिस्पर्धी लॉरेन गॉटीलेबला दुस-या क्रमांकावर समाधान मानावे लागले. त्यानंतर सोनाली आणि सुमंथ तर शेवटच्या स्थानी चौथ्या क्रमांकावर शान आला.
माधुरी दीक्षित, करण जोहर आणि रेमो डिसोजा परिक्षण करत असलेला ‘झलक दिखला जा’ हा रियालिटी कार्यक्रम तब्बल १५ आठवडे चालला.