‘द केरला स्टोरी’ने ‘गार्डीयन्स ऑफ द गॅलेक्सी ३’लाही टाकलं मागे; मार्व्हलच्या चित्रपटाने कमावले फक्त ‘इतके’ कोटी

भारतीय चित्रपट इतिहासात बहुतेक ही गोष्ट प्रथमच घडत आहे. ‘द केरला स्टोरी’ने मार्वलच्या या बिग बजेट चित्रपटाला बॉक्स ऑफिस कमाईत मागे टाकलं आहे. ‘गार्डीयन्स ऑफ गॅलक्सि’च्या पहिल्या दोन्ही भागांना भारतात उत्तम प्रतिसाद मिळाला होता. यंदाच्या तिसऱ्या भागालाही प्रतिसाद चांगला मिळाला आहे, पण कमाईच्या बाबतीत ‘द केरला स्टोरी’पेक्षा काहीच आकड्यांनी हा चित्रपट मागे पडला आहे.

आणखी वाचा : ‘जवान’ आणि ‘ॲनिमल’ येणार आमने सामने; रणबीर कपूरने केली शाहरुख खानला रिलीज डेट पुढे ढकलण्याची विनंती?

‘अव्हेंजर्स एंडगेम’, ‘अवतार २’ तर ‘स्पायडर मॅन होम कमिंग’ या तीनही चित्रपटांनी भारतीय बॉक्स ऑफिसवर जबरदस्त कमाई केली होती. त्यामानाने ‘गार्डीयन्स ऑफ गॅलेक्सी ३’ हा चित्रपट तेवढी कमाल दाखवू शकलेला नाही. ‘गार्डीयन्स ऑफ गॅलेक्सी ३’ने पहिल्याच दिवशी बॉक्स ऑफिसवर ७.३० कोटींची कमाई केली आहे तर ‘द केरला स्टोरी’ने पहिल्याच दिवशी ७.५० कोटींची कमाई केली आहे.

तब्बल २० लाखांनी मार्वलच्या बिग बजेट चित्रपटाला मागे टाकत ४० कोटींच्या बजेटमध्ये बनलेल्या ‘द केरला स्टोरी’ने कित्येकांच्या तोंडं बंद केली आहेत. कोणालाही कसलीच अपेक्षा नसताना या चित्रपटाने बॉक्स ऑफिसवर जबरदस्त कमाल करून दाखवली आहे. येत्या काळात ‘गार्डीयन्स ऑफ गॅलेक्सी काही शो हे ‘द केरला स्टोरी’लाही मिळू शकतात अशी शक्यता वर्तवण्यात येत आहे. विपुल अमृतलाल शाह यांनी ‘द केरला स्टोरी’ची निर्मिती केली आहे.