श्रीलंका महोत्सवात ‘ऊत’ चित्रपटाचा गौरव

वेरा फिल्म्स निर्मित आणि राम मलिक लिखित-दिग्दर्शित ‘ऊत’ हा मराठी चित्रपट लवकरच प्रेक्षकांच्या भेटीला येणार आहे. चित्रपटात एक संघर्ष कथा पहायला मिळणार असून या सोबतच ‘ऊत’मध्ये एक प्रेमकथाही आहे. या प्रेमकथेचा नायक अभिनेता राज मिसाळ असून, अभिनेत्री आर्या सावे ही नायिका आहे. या चित्रपटाच्या निमित्ताने ही नवी जोडी मराठी रुपेरी पडद्यावर झळकणार आहे.

या वर्षाअखेर ‘ऊत’ चित्रपट प्रेक्षकांच्या भेटीला येणार आहे. मलेशिया चित्रपट महोत्सव, ईस्टर्न युरोप चित्रपट महोत्सव, ईस्ट विलेज न्यूयॉर्क चित्रपट महोत्सव, सिनसिने चित्रपट महोत्सव, श्रीलंका आंतरराष्ट्रीय चित्रपट महोत्सव, मँचेस्टर चित्रपट महोत्सव, अहमदाबाद आंतरराष्ट्रीय चित्रपट महोत्सव आदी विविध राष्ट्रीय – आंतरराष्ट्रीय चित्रपट महोत्सवात ‘ऊत’ या मराठी चित्रपटाने आपली यशस्वी मोहोर उमटविली आहे.