scorecardresearch

“लग्न झालं आहे तरी…”, रोहित शेट्टीने विराजसला दिला हा खास सल्ला

रोहित शेट्टीचा हा व्हिडीओ सोशल मीडियावर प्रचंड व्हायरल झाला आहे.

virajas kulkarni, shivani rangole, rohit shetty, mrunal kulkarni,
रोहित शेट्टीचा हा व्हिडीओ सोशल मीडियावर प्रचंड व्हायरल झाला आहे.

छोट्या पडद्यावरील ‘माझा होशील ना’ या मालिकेतून घराघरात पोहोचलेला अभिनेता म्हणून विराजस कुलकर्णी ओळखले जाते. विराजस कुलकर्णी हा नुकताच विवाह बंधनात अडकला आहे. विराजसने अभिनेत्री शिवानी रांगोळे हिच्यासोबत लगीनगाठ बांधली आहे. अक्षय्य तृतीयाच्या मुहूर्तावर त्या दोघांचा विवाहसोहळा पार पडला. त्यानंतर त्यांचे बरेच फोटो सोशल मीडियावर प्रचंड व्हायरल झाले होते. आता लग्न झाल्यानंतर बॉलिवूड दिग्दर्शक रोहित शेट्टीने विराजससाठी एक सल्ला दिला आहे.

विराजने रोहित शेट्टीचा हा व्हिडीओ त्याच्या इन्स्टाग्राम अकाऊंटवरून शेअर केला आहे. व्हिडीओत रोहित आणि विराजसची आई आणि अभिनेत्री मृणाल कुलकर्णी दिसत आहेत. यावेळी रोहित बोलतो की “विराजस मी ऐकलं की तुझं लग्न होणार आहे. लग्नासाठी खूप खूप शुभेच्छा आणि लग्न झालं तरी सगळ्यात जास्त प्रेम हे आईला करायचं.”

आणखी वाचा : राज ठाकरेंच्या नातवाचे झाले नामकरण, नावाचा अर्थ माहितीये का?

आणखी वाचा : “हो मी व्हर्जिन…”, सलमान खानच्या उत्तराने चाहत्यांना बसला होता आश्चर्याचा धक्का

रोहित शेट्टीचा हा व्हिडीओ शेअर करत विराजस म्हणाला, “UPG आणि Whistling Woods मध्ये शिकत असताना रोहित शेट्टी ह्यांच्या गेस्ट लेक्चरला बसण्याची संधी अनेकदा मिळाली आणि इतक्या अभ्यासपूर्ण, प्रामाणिकपणे, आणि मनापासून मारलेल्या गप्पा ऐकून तृप्त झालो होतो… आता इतक्या वर्षांनी पुन्हा त्यांच्या खास शैलीमध्ये महत्त्वाचा हा गमतीशीर सल्ला दिल्याबद्दल धन्यवाद!”

आणखी वाचा : “मी एका कपलसोबत ‘Throuple Relationship’मध्ये होते”; सायशा शिंदेने केला धक्कादायक खुलासा

आणखी वाचा : महिन्याला लाखो रुपये कमवणाऱ्या ‘या’ फेमस Youtubers चे शिक्षण किती आहे माहित आहे का?

दरम्यान विराजस आणि शिवानी गेल्या अनेक दिवसांपासून एकमेकांना डेट करत आहे. काही दिवसांपूर्वीच त्यांचा साखरपुडा पार पडला होता. सध्या या दोघांच्या घरी लग्नाची जोरदार तयारी सुरु आहे. त्यांच्या लग्नाची पत्रिकाही काही दिवसांपासून व्हायरल होत होती. विराजस कुलकर्णीने माझा होशील ना या मालिकेत मुख्य भूमिका साकारली होती. विराजस हा अभिनेत्री मृणाल कुलकर्णी यांचा मुलगा आहे. विराजस हा खूप चांगला लेखक आणि दिग्दर्शक असून त्याने ‘हॉस्टेल डेज’ या चित्रपटात काम केले आहे. तर शिवानीने अनेक मालिका, चित्रपट, नाटकांमध्ये काम केलं आहे. शिवानी शेवटी ‘सांग तू आहेस ना’ या मालिकेत दिसली होती.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Virajas kulkarni and shivani rangole got married rohit shetty mrunal kulkarni video dcp

ताज्या बातम्या