‘ये रिश्ता…’मधील अभिनेत्रीची प्रकृती ढासळली; रुग्णालयात दाखल मैत्रिणीला भेटण्यासाठी पोहोचली तारक मेहता फेम सोनू

या मालिकेत मायाची भूमिका साकारणारी नविका कोटिया सध्या रुग्णालयात आहे. तिची प्रकृती ठिक नसून गेल्या तीन दिवसांपासून ती रुग्णालयात दाखल असल्याची माहिती तिने दिली आहे. नविकाने सोशल मीडियावर एक फोटो शेअर केलाय, त्यामध्ये ती रुग्णालयाच्या बेडवर झोपलेली दिसत आहे. तर शेजारी डॉक्टर्स आणि नर्स तिच्या एमआरआयची तयारी करताना दिसत आहेत.

नविका तिच्या चाहत्यांना तिच्या प्रकृतीबद्दल माहिती देत आहे. यापूर्वी तिने एक पोस्ट करत तिची मैत्रीण आणि तारक मेहता का उल्टा चश्मा मालिकेत सोनूची भूमिका साकारणारी पलक सिधवानी भेटायला आल्याचं सांगितलं होतं. आपल्या कुटुंबीयांची आणि मित्र-मैत्रिणींची काळजी घेण्यासाठी नविकाने पलकचे आभार मानले होते.

नविका सध्या डॉ. कुणाल खेराची बहीण मायाची भूमिका या मालिकेत साकारत आहे. तिला गायिका बनायचं आहे आणि त्यासाठी कुणाल अक्षराला ब्लॅकमेल करतो, तो तिला अभिमन्यु आणि त्याच्या कुटुंबियांपासून दूर मॉरिशसला नेतो आणि कैरवचं अपहरण करतो.