08 March 2021

News Flash

पीएनबी घोटाळा : नीरव मोदी आणि मेहुल चोक्सीविरोधात अजामीनपात्र अटक वॉरंट जारी

भारताने हाँगकाँगच्या अधिकाऱ्यांना पीएनबी घोटाळ्यामधील आरोपी नीरव मोदीला अटक करण्याचे आवाहन केले आहे. नीरव मोदी हाँगकाँगमध्ये लपला असण्याची शक्यता वर्तवण्यात येत आहे.

मेहुल चोक्सी आणि नीरव मोदी

पंजाब नॅशनल बँकेत १३,००० कोटी रुपयांचा घोटाळा करणारा हिरे व्यापारी नीरव मोदी आणि गीतांजली जेम्सचा अध्यक्ष मेहुल चोक्सी यांच्याविरोधात मुंबईतील सीबीआयच्या विशेष न्यायालयाने अजामीनपात्र अटक वॉरंट काढले आहे. यापूर्वी नीरव मोदी आणि मेहुल चोक्सी यांचा भारतीय पासपोर्टही रद्द करण्यात आला आहे.


या प्रकरणातील नव्या माहितीनुसार, भारताने हाँगकाँगच्या पोलीस अधिकाऱ्यांना पीएनबी घोटाळ्यामधील आरोपी नीरव मोदीला अटक करण्याचे आवाहन केले आहे. नीरव मोदी हाँगकाँगमध्ये लपला असण्याची शक्यता वर्तवण्यात येत आहे. कारण त्याने अलाहाबाद बँकेच्या हाँगकाँग शाखेतून पैसे काढल्याची नोंद झाली आहे.

दरम्यान, पंजाब नॅशनल बँकेला चूना लावल्याप्रकरणी नीरव मोदीच्या विरोधात सीबीआयकडून पहिला गुन्हा दाखल झाल्यानंतर हप्त्याभरानंतर नीरवने बेल्जिअमच्या एंटवर्प शहरातील एका भारतीय सरकारी बँकेच्या शाखेतून मोठी रक्कम काढल्याचे निदर्शनास आले होते. त्यामुळे तो बेल्जिअममध्ये पळून गेल्याचे सांगण्यात येत होते.

केंद्रीय तपास पथकाच्या अधिकाऱ्यांच्या माहितीनुसार, बँकेतून मोठी रक्कम काढण्याचा हा प्रकार मोठा आश्चर्यकारक आहे. कारण ३१ जानेवारी २०१८ ला भारतीय बँकांच्या सर्व विदेशातील शाखांना या बाबतीत सावधान करण्यात आले होते. सीबीआय सातत्याने परदेशातील भारतीय बॅंकांच्या अधिकाऱ्यांशी संपर्कात आहेत. नीरव मोदीच्या व्यवहारांवर लक्ष ठेवण्याच्या सूचना त्यांना देण्यात आल्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 8, 2018 7:03 pm

Web Title: cbi has issued non bailable warrants against mehul choksi and nirav modi in connection with the pnb scam
Next Stories
1 मुंबई विद्यापीठाच्या ३० परीक्षा पुढे ढकलल्या
2 युतीची वेळ निघून गेली!
3 प्रश्नपत्रिका फोडण्यासाठी मुख्य आरोपीचे वर्षभर प्रयत्न
Just Now!
X