मुख्यमंत्री उद्धव ठाकरे यांनी गुरुवारी सात आयएएस अधिकाऱ्यांच्या बदल्या केल्या आहेत. यामध्ये प्रामुख्याने ठाणे महानगरपालिकेच्या आयुक्तपदी विजय सिंघल तर नागपूर विभागाच्या अतिरिक्त विभागीय आयुक्तपदी अभिजीत बांगर यांची नियुक्ती करण्यात आली आहे. मुख्यमंत्र्यांनी केलेल्या नवीन नियुक्त्या खालीलप्रमाणे ठाणे महानगरपालिकेच्या आयुक्तपदी विजय सिंघल यांची नियुक्ती करण्यात आली आहे. मुंबईच्या माहिती तंत्रज्ञान विभागाचे संचालक म्हणून रणजित कुमार यांनी नेमणूक करण्यात आली आहे. एमजी अर्दड यांनी नियुक्ती औरंगाबाद विभागाच्या मृद व जलसंधारण आयुक्तपदी करण्यात आली आहे. एल. एस. माळी यांची मुंबई विभागातील ग्रामविकास विभागाच्या उपसचिवपदी नियुक्ती करण्यात आली आहे. यु. ए. जाधव यांच्या आदेशात अंशत: बदल करुन त्यांना ग्रामविकास विभाग मुंबईच्या उपसचिवपदी नियुक्त करण्यात आलं आहे. अभिजीत बांदर यांच्या बदलीच्या आदेशातही अंशत: बदल करण्यात आला आहे. बांगर यांनी नियुक्ती नागपूरच्या अतिरिक्त विभागीय आयुक्त पदी करण्यात आली आहे. मुंबई विभागाचे माहिती तंत्रज्ञान संचालक मदन नागरगोजे यांची नियुक्ती मुंबई विभागातील विमुक्त जाती, भटक्या जमाती इतर मागासवर्ग आणि विशेष मागास प्रवर्ग कल्याण विभागाच्या सहसचिव पदी करण्यात आली आहे.
