वाशी, चेंबूरजवळ सिग्नलमध्ये बिघाड झाल्याने हार्बर मार्गावरील रेल्वे वाहतूक विस्कळीत झाली. सकाळी साडेआठच्या सुमारास वाशीजवळ अप-डाऊन या दोन्ही मार्गावरील वाहतूक विस्कळीत झाली. त्यामुळे चाकरमान्यांना अडचणीचा सामना करावा लागला. गर्दीच्या वेळेतच हा बिघाड झाल्याने प्रवाशांची मोठी गैरसोय झाली. दरम्यान, तासाभराने म्हणजे दहाच्या सुमारास सिग्नलमधील हा बिघाड दुरूस्त करण्यात रेल्वे प्रशासनाला यश आले. त्यानंतर वाहतूक हळूहळू सुरू झाली असली तरी वेळापत्रक अद्यापही विस्कळीत आहे.

लोकल सेवा मंदावल्याने अनेक स्थानकांवर प्रवाशांची मोठी गर्दी झाली होती.