ऐन गर्दीच्या वेळी मुंबईच्या रेल्वेचे नित्यनेमाचे रडगाणे थांबण्याची काहीच चिन्हे दिसत नाहीत. सीएसटी स्थानकाहून पनवेलला जाणाऱया लोकलमध्ये कुर्ला स्थानकाजवळ तांत्रिक बिघाड झाल्यामुळे हार्बर रेल्वेसेवा विस्कळीत झाली आहे.
तांत्रिक बिघाडामुळे ही लोकल मध्येच बंद पडल्यामुळे मागील सर्व गाड्या अडकून पडल्या आहेत. आधीच रडतखडत सुरू असलेल्या हार्बर रेल्वेत नेमक्या गर्दीच्या वेळी तांत्रिक बिघाड झाल्यामुळे कामावरून घरी परतणाऱया चाकरमान्यांना प्रवासाच्या हालअपेष्टांना सामोरे जावे लागणार आहे. तर, परतीला निघालेले अनेक प्रवासी मध्येच अडकून पडले आहेत.