मुंबई: चांदिवली पुलाजवळ जलवाहिनी फुटली; मोठ्या प्रमाणावर पाण्याचा अपव्यय

हेही वाचा >>>मुंबई: निर्भया पथकाच्या वाहनावर दगडफेक; आरोपी फरार

घाटकोपर पश्चिमेकडे असल्फा गाव परिसरातील गोसिया मशिदीजवळ मध्यरात्री ही घटना घडली. ७२ इंची मोठ्या जलवाहिनीतून गळती सुरू झाल्यामुळे मोठ्या प्रमाणावर पाणी वाहून गेले. जल अभियंता विभागातील जलकामे विभागाच्या कर्मचाऱ्यांनी पहाटेच युद्धपातळीवर जलवाहिनीच्या दुरुस्तीचे काम हाती घेतले. जमीन खोदून गळती शोधण्यात कर्मचाऱ्यांना यश आले. पंधरा फूट खोल खड्ड्यात उतरून कर्मचाऱ्यांनी जलवाहिनीची दुरुस्ती केली. अधिक पाणी वाहून जाऊ नये म्हणून पवई येथील जलवाहिनीच्या झडपा बंद करण्यात आल्या होत्या. गळती झालेल्या जलवाहिनीचे जोडकाम (वेल्डिंग) पूर्ण झाले असून सध्या हा भाग निरीक्षणाखाली ठेवण्यात आला आहे.