“मुंबई महापालिकेतील घोटाळ्यांची लोकायुक्तांमार्फत चौकशी करा”; आदित्य ठाकरेंची राज्यपालांकडे मागणी; म्हणाले, “राज्यातील मिंधे सरकार…”

हेही वाचा – मोठी बातमी! महाराष्ट्रातील सत्तासंघर्षाप्रकरणी उद्याच निकाल येणार, माहिती देत स्वतः सरन्यायाधीश चंद्रचूड म्हणाले…

नेमकं काय म्हणाले आदित्य ठाकरे?

“गेल्या सहा ते सात महिन्यात आम्ही मुंबई महापालिकेतील अनेक घोटाळे बाहेर काढले आहेत. याची माहिती आम्ही राज्यापालांना दिली आहे. मुंबई महापालिकेतील अंदाधुंद कारभार आणि राज्यातील कंत्राटदारांच्या सरकारमुळे हे घोटाळे होत आहेत. या आरोपांची लोकायुक्तामार्फत चौकशी करावी, अशी मागणी आम्ही राज्यापालांकडे केली आहे”, अशी प्रतिक्रिया आदित्य ठाकरे यांनी दिली.

हेही वाचा – VIDEO: “सर्वोच्च न्यायालय ‘हा’ निर्णय देणार आहे, तुम्ही लंडन दौऱ्यावर…”; संजय राऊतांचा राहुल नार्वेकरांवर गंभीर आरोप

“काही दिवसांपूर्वीच आम्ही महापालिकेतील सहा हजार कोटी रुपयांचा रस्ते घोटाळा उघडकीस आणला होता. यापैकी १० रस्त्यांची कामदेखील अद्याप सुरू झालेली नाहीत. गद्दार गॅंग सोडली तर सगळ्यांनी याबाबत तक्रारी केल्या होत्या. मात्र यावर अद्यापही कारवाई झालेली नाही”, असेही ते म्हणाले.

हेही वाचा – Maharashtra Political Crisis: “जर आत्ता निकाल लागला नाही, तर पुन्हा…”, उज्ज्वल निकम यांनी व्यक्त केली भीती!

“रस्ते घोटाळ्याबरोबरच आम्ही खडी घोटाळा आणि स्ट्रीट फर्निचर घोटाळाही उघडकीस आणला होता. स्ट्रीट फर्निचर घोटाळातही १६० कोटींची कामं २६३ कोटी रुपयांना दिली गेली. एकंदरीतच मिंधे सरकार केवळ कंत्राटदारांना फायदा व्हावा या एकमेव हेतून काम करते आहे”, अशी टीकाही त्यांनी केली.