मुंबई : राष्ट्रवादी काँग्रेसचे अजित पवार आणि शरद पवार हे दोन्ही गट १० जून रोजी पक्षाचा २६ वा स्थापना दिवस पुण्यात साजरा करणार आहेत. बालेवाडी येथील स्टेडियममध्ये अजित पवार गटाने वर्धापन दिनाचे आयोजन केले आहे. वर्धापन दिनाला राज्यभरातून १५ हजार कार्यकर्ते उपस्थित राहतील, असे पक्षाचे नियोजन आहे.
तर जंगली महाराज रस्त्यावरील बालगंधर्व रंगमंदिरात शरद पवार गटाने वर्धानपन दिनाचे आयोजन केले आहे. पक्ष दुभंगल्यानंतर यंदा दोन्ही गटाने वर्धापन दिनाची जोरदार तयारी केली जात आहे. पक्षाचे राष्ट्रीय अध्यक्ष या नात्याने वर्धापन दिनाच्या कार्यक्रमात अजित पवार आणि शरद पवार यांची मुख्य भाषणे होतील.
