अमृता फडणवीसांचा अजित पवारांना टोला, म्हणाल्या, “ते लोक खूप ठिकाणी डोळे मारतात, त्यामुळे…”

अमृता फडणवीस म्हणाल्या, “मला वाटतं महाराष्ट्र असं राज्य आहे जे खूप काही करू शकतं. सध्या खूप काही करतंही आहे. यासाठी जनतेला जो माणूस आणि पक्ष योग्य वाटेल, ते न्याय देऊ शकेल असं वाटेल त्यांनी सत्तेत यावं. तेच आपल्या महाराष्ट्रासाठी चांगलं आहे. तो कुणीही असो. प्रत्येक माणसाने विचार करावा की, तो फक्त प्रगतीसाठीच काम करणार आहे. स्वतःच्या घरासाठी काम करणार नाही.”

हेही वाचा : “ते मला म्हणाले की, तू व्होडका पिते का? आणि…”, वाचा महिला नेत्याने युवक काँग्रेस अध्यक्षावर केलेले नेमके आरोप काय?

“मला माहिती नाही की, कोण कोण कुठे कुठे डोळे मारत आहे”

“अजित पवार भाजपाबरोबर येणार की नाही ते अजित पवार आणि देवेंद्र फडणवीस या दोघांनाच माहिती असणार आहे. राजकारण्यांची खूप लोकांशी जवळीक असते. ते लोक खूप ठिकाणी डोळे मारतात. त्यामुळे मला माहिती नाही की, कोण कोण कुठे कुठे डोळे मारत आहे,” असं म्हणत अमृता फडणवीस यांनी अजित पवारांना टोला लगावला.

उद्धव ठाकरे अर्थसंकल्पावर बोलत असताना अजित पवारांनी मारला डोळा

दरम्यान, शिवसेना ( ठाकरे गट ) पक्षप्रमुख उद्धव ठाकरेंनी अर्थसंकल्पावर प्रतिक्रिया दिली तेव्हा त्यांच्या बाजूला विरोधी पक्षनेते अजित पवार उभे होते. तसेच, महाविकास आघाडीतील अन्यही नेते उपस्थित होते. उद्धव ठाकरे अर्थसंकल्पावर बोलत असताना अजित पवार कुणाला तरी डोळा मारताना दिसले होते. त्यानंतर अजित पवारांनी नेमका कुणाला मारला डोळा, अशी चर्चा राजकीय वर्तुळात रंगली होती.