‘मरे’वर मुंबई-दिल्ली राजधानीच्या दर्जाची गाडी

मध्य रेल्वेवर मुंबई-दिल्ली दरम्यान राजधानी एक्स्प्रेसच्या दर्जाची गाडी एप्रिलअखेरीस सुरू होणार आहे.
लोकमान्य टिळक टर्मिनस ते हजरत निजामुद्दीन दरम्यान धावणारी ही गाडी दुपारी १.१० वाजता सुटेल आणि दुसऱ्या दिवशी सकाळी नऊ वाजता पोहोचेल. या गाडीला राजधानीचा दर्जा असून त्याचे विशेष डबे अत्याधुनिक बांधणीचे आहेत. हे कोच लिंक हॉफमन बुश (एलएचबी) असून कपूरथळा येथील कारखान्यात त्यांची निर्मिती होत आहे. या डब्यांतील रचना वेगळी असून ते अग्निप्रतिबंधक आहेत. अपघात झाल्यास या गाडीचे डबे एकमेकांवर आदळले तरी ते एकमेकांमध्ये अडकणार नाहीत, अशी पद्धतीचे असल्याचे सूत्रांनी सांगितले.