scorecardresearch

Premium

पक्ष, चिन्ह यासंदर्भात राष्ट्रवादीच्या दोन्ही गटांच्या नेत्यांत धुमश्चक्री

निवडणूक आयोगाच्या कार्यालयात राष्ट्रवादी काँग्रेस पक्ष आणि पक्षाचे चिन्ह ‘घडय़ाळ’ यावरील मालकीवरून राष्ट्रवादी काँग्रेस अजित पवार गट आणि राष्ट्रवादी काँग्रेस पक्ष शरद पवार गट  यांच्यात जोरदार जुंपली आहे.

NCP
(फोटो सौजन्य- प्रातिनिधिक छायाचित्र)

मुंबई : निवडणूक आयोगाच्या कार्यालयात राष्ट्रवादी काँग्रेस पक्ष आणि पक्षाचे चिन्ह ‘घडय़ाळ’ यावरील मालकीवरून राष्ट्रवादी काँग्रेस अजित पवार गट आणि राष्ट्रवादी काँग्रेस पक्ष शरद पवार गट यांच्यात जोरदार जुंपली आहे. पक्ष आणि चिन्ह आपणालाच मिळणार असा विश्वास उभय गटांना वाटत आहे.

राष्ट्रवादी काँग्रेस पक्षाच्या शरद पवार गटाचे आमदार जितेंद्र आव्हाड यांनी राज्यातील भावनिक आवाहन केले. सुनावणी दरम्यान अजित पवार गटाच्या युक्तिवादावर आव्हाड यांनी टिप्पणी केली. ज्या पद्धतीने अजित पवार गटाने युक्तिवाद केला. ते त्यांना शोभत नाही, असे आव्हाड यांनी स्पष्ट केले. शरद पवार हुकूमशाह आहेत. पवारांनी राष्ट्रवादी काँग्रेस पक्षात लोकशाही जिवंत ठेवली नाही. असे म्हणणाऱ्यांनी पक्षामध्ये राहायचे नव्हते, पक्ष सोडून जायचे होते. आम्हाला तुमच्या पक्षात राहायचे नाही. आम्ही  स्वतंत्र पक्ष काढतो, असे सांगायचे होते.वकिलामार्फत जो युक्तिवाद केला तो त्यांना शोभत नाही. ते अशोभनीय आहे, असे भाष्य आव्हाड यांनी केले.

chhagan bhujbal and sharad pawar and tutari
शरद पवार गटाच्या ‘तुतारी’ चिन्हावर छगन भुजबळांची प्रतिक्रिया; म्हणाले, “१९९९ साली…”
Confusion over NCP MLA disqualification results
राष्ट्रवादी काँग्रेस आमदार अपात्रता निकालाने नवा गोंधळ?
Leaders farewell to Congress
काँग्रेसला गळती आणि नेत्यांची भाजप व मित्रपक्षांकडे रीघ
threat of disqualification on MLA
शरद पवार गटातील आमदारांचा अपात्रतेचा धोका टळला

शरद पवार यांनी नवी दिल्लीत ‘मीच पक्षाचा संस्थापक अध्यक्ष आहे’, अशा आशयाचे विधान केले होते. या विधानावर अजित पवार गटाचे मंत्री छगन भुजबळ यांनी पवारांच्या विधानावर भाष्य केले. शरद पवार जर राष्ट्रवादी काँग्रेस पक्षाचे संस्थापक अध्यक्ष असतील तर मीदेखील राष्ट्रवादी काँग्रेस पक्षाचा पहिला प्रदेशाध्यक्ष आहे. माझेसुद्धा पक्ष बांधणीत योगदान आहे, अशी टिप्पणी केली आहे. निवडणूक आयोगात पक्ष आणि चिन्ह यांच्या मालकीविषयी सुनावणी सुरू राहणार आहे तोपर्यंत दोन्ही गटात जोरदार धुमश्चक्री सुरू राहणार आहे.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Clashes between the leaders of both groups of ncp regarding party symbol ysh

First published on: 08-10-2023 at 03:58 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×