scorecardresearch

Premium

मुंबई: प्रत्येक मेट्रो रेल्वेसाठी आता स्वतंत्र देखरेख अधिकारी, एमएमआरडीएकडून अधिकारांचे विकेंद्रीकरण

मुंबई महानगर क्षेत्र विकास प्राधिकरणामार्फत (एमएमआरडीए) मुंबई, ठाणे, मीरा-भाईंदर या परिसरात सुरू असलेल्या सात मेट्रो लाइनचे काम वेळेत पूर्ण व्हावे यासाठी अधिकारांचे विकेंद्रीकरण करण्यात आले आहे.

mumbai metro
आता प्रत्येक मेट्रो लाइनसाठी स्वतंत्र देखरेख अधिकारी नेमण्यात आला आहे.(फोटो सौजन्य- प्रातिनिधिक छायाचित्र)

निशांत सरवणकर, लोकसत्ता

मुंबई : मुंबई महानगर क्षेत्र विकास प्राधिकरणामार्फत (एमएमआरडीए) मुंबई, ठाणे, मीरा-भाईंदर या परिसरात सुरू असलेल्या सात मेट्रो लाइनचे काम वेळेत पूर्ण व्हावे यासाठी अधिकारांचे विकेंद्रीकरण करण्यात आले आहे. आता या प्रत्येक मेट्रो लाइनसाठी स्वतंत्र देखरेख अधिकारी नेमण्यात आला आहे. या प्रत्येक अधिकाऱ्यावर त्या-त्या मेट्रोची संपूर्ण जबाबदारी सोपविण्यात आली आहे.

ropeway projects Nitin Gadkari
५ वर्षांत १.२५ लाख कोटींचे २०० रोपवे प्रकल्प; नितीन गडकरींचं पर्वतोड्डाण
digital center for excellence of roche at pune
‘रोश’चे पुण्यात जागतिक सुविधा केंद्र
8325 crore from Airtel to the Modi government at the Centre
‘एअरटेल’कडून केंद्रातील मोदी सरकारला ८,३२५ कोटी
Mumbai Highcourt
“मग मुंबईचे रस्ते बंद करावेत का?”, कर्मचाऱ्यांना मराठा आरक्षण सर्वेक्षणात जुंपल्याने HC ने मुंबई पालिकेला फटकारले

एमएमआरडीचे आयुक्त डॉ. संजय मुखर्जी यांनी सर्व मेट्रो रेल्वेच्या कामाचा आढावा घेतला, तेव्हा प्रत्येक मेट्रोच्या कामावर देखरेख ठेवण्यासाठी स्वतंत्र यंत्रणा नसल्याचे आढळून आले. त्यामुळे या कामात आलेल्या अडचणी सोडविण्यासाठी वेळ लागत असल्याचे निदर्शनास आले. अशा पद्धतीने दिलेल्या मुदतीत मेट्रो रेल्वेचे काम पूर्ण होणे अशक्य आहे. त्यामुळे त्यात सुधारणा घडवून प्रत्येक मेट्रोसाठी स्वतंत्र अधिकारी नेमण्याचा निर्णय घेण्यात आला, असे डॉ. मुखर्जी यांनी सांगितले. या देखरेख अधिकाऱ्यावर त्या-त्या मेट्रोची कामे विहित वेळेत पूर्ण करण्याची जबाबदारी सोपविण्यात आली आहे. ज्या मेट्रो रेल्वेच्या कामात मोठे अडथळे आहेत, अशासाठी संचालक पातळीवरील तर इतर कामांसाठी मुख्य अभियंता, अतिरिक्त अभियंता, सहायक अभियंता आदींना देखरेख अधिकारी म्हणून नेमण्यात आले आहे.

आणखी वाचा-बढती मिळूनही पालिका अधिकारी जुन्याच पदावर

या बाबतचा आदेश अलीकडेच जारी करण्यात आला आहे. त्यानुसार प्रत्येक मेट्रोसाठी एक प्रमुख देखरेख अधिकारी तसेच अंतर्गत प्रकल्प देखरेख समिती स्थापन करण्यात येणार आहे. ही समिती प्रत्येक आठवड्यात बैठक घेऊन मेट्रोच्या सर्व प्रकारच्या कामाचा दैनंदिन आढावा घेईल. मेट्रोच्या कामात कुठल्याही प्रकारचा अडथळा येऊ नये यासाठी संचालकांसारख्या वरिष्ठ पातळीवरील अधिकाऱ्याला सर्व मेट्रोंच्या दैनंदिन कामात गुंतवून ठेवण्याऐवजी केंद्र सरकारच्या विविध विभागांशी समन्वय साधण्याची महत्त्वाची जबाबदारी सोपविण्यात आली आहे. आतापर्यंत सर्व अधिकार केंद्रित होते. त्यामुळे मेट्रोच्या कामांनी म्हणावा तसा वेग घेतलेला नाही. आता या अधिकारांचे विकेंद्रीकरण केल्यामुळे बराच फरक पडेल, असा विश्वासही डॉ. मुखर्जी यांनी व्यक्त केला.

आणखी वाचा-आदिवासी पाडे मुख्य रस्त्याने जोडणार; पाच हजार कोटींच्या योजनेस मंत्रिमंडळाची मान्यता

असे असतील अधिकारी

मेट्रो लाइन : चार : वडाळा-कासारवडवली (३२.३ किमी, ३० स्थानके), चार ए : कासारवडवली- गायमुख (२.७ किमी, दोन स्थानके), टू-बी : डी एन नगर – मंडाले (२३.६ किमी, २० स्थानके), पाच : ठाणे-भिवंडी-कल्याण (२४.९ किमी, १६ स्थानके) या चार मेट्रो लाइनवर देखरेख अधिकारी म्हणून संचालक दर्जाच्या अधिकाऱ्याची नियुक्ती करण्यात आली आहे तर सहा : समर्थनगर – विक्रोळी (१४.५ किमी, १३ स्थानके), सात-ए : अंधेरी पूर्व -छत्रपती शिवाजी महाराज आंतरराष्ट्रीय विमानतळ (तीन किमी, दोन स्थानके) या दोन मेट्रो लाइनसाठी उप अभियंता तर नऊ : दहिसर ते मीरा भाईंदर (१०.५ किमी, आठ स्थानके) या मेट्रो लाइनसाठी मुख्य अभियंत्याची नियुक्ती करण्यात आली आहे.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Decentralization of powers from mmrda now separate monitoring authority for each metro rail mumbai print news mrj

First published on: 19-08-2023 at 12:59 IST

आजचा ई-पेपर : मुंबई

वाचा
epaper image

संबंधित बातम्या

×