राज्यात गेल्या २४ तासांत मुंबईपेक्षा पुण्यात जास्त रुग्ण आढळले. कल्याण-डोंबिवलीतील रुग्ण संख्या आठवडाभराने घटली आहे. राज्यात मंगळवारी करोनाच्या ६,७४१ रुग्णांची नोंद झाली. पुणे शहरात दिवसभरात ११३९ तर मुंबईत ९६९ रुग्ण आढळले. गेले दोन महिने मुंबईतील रुग्णांची संख्या अधिक होती. मुंबईपेक्षा आता पुण्यातील रुग्ण संख्या वाढली आहे. पिंपरी-चिंचवडमध्ये ५४१ रुग्ण आढळले आहेत. ठाणे जिल्ह्य़ातील सर्वच महानगरांमधील रुग्णसंख्या गेल्या दोन आठवडय़ांच्या तुलनेत घटली आहे. राज्यातील एकू ण रुग्णसंख्या ही २ लाख ६७ हजार झाली असून, यापैकी ९५ हजार रुग्ण हे मुंबईतील आहेत.
