गोखले पुलाच्या जोडणीला विलंब, तुळईच्या सुट्या भागांना उशीर, कंत्राटदाराकडून खुलासा मागवणार

गोखले पुलाचे बांधकाम सुरू झाल्यानंतर एक बाजू १५ महिन्यांनी (२६ फेब्रुवारी) सुरू झाली होती. एप्रिलच्या सुरुवातीला पुलाच्या दुसऱ्या बाजूच्या तुळईचे भाग दिल्लीहून मुंबईत आणण्यास सुरुवात झाली होती. सर्व भाग आल्यानंतर ते जोडून ३१ मेपर्यंत तुळई स्थापन करणे, पुलाचे पोहोच रस्ते तयार करणे आणि ३१ डिसेंबरपर्यंत संपूर्ण पूल वाहतुकीसाठी सुरू करणे असे नियोजन करण्यात आले आहे. पुलाच्या तुळईचे ३२ सुटे भाग २२ एप्रिलपर्यंत मुंबईत येणे अपेक्षित होते व ३० एप्रिलपासून पुलाची जोडणी सुरू करण्यात येणार होती. मात्र अद्याप हे सर्व भाग आलेले नाहीत. त्यामुळे तुळई स्थापन करण्याचे काम लांबणीवर पडणार आहे.

आणखी वाचा

“बंडखोरी नव्हे हा तर उठाव,” ब्रिजभूषण पाझारे २४ तासांनंतर अवतरले अन्…

Madhurima Raje : सतेज पाटील ज्यांच्यामुळे ढसाढसा रडले…

Salman Khan Threat : सलमान खानला धमकी देणाऱ्या तरुणाला ‘या’ राज्यातून करण्यात आली अटक, ५ कोटींची मागितली खंडणी

UP Madarsa Act: मदरसा शिक्षण मंडळ कायदा घटनात्मक; सर्वोच्च न्यायालयाचा योगी आदित्यनाथ सरकारला झटका, उच्च न्यायालयाचा निकाल फेटाळला

रश्मी शुक्लांना हटवण्यास एवढा वेळ का लागला? नाना पटोले यांचा सवाल

पुणे – बंगळुरू महामार्गावर मोठी वाहतूक कोंडी; वाहनांच्या रांगाच रांगा

Mahim assembly seat: “बाळासाहेबांनी कधीच निवडणूक लढविली नव्हती, राज ठाकरेंनी…”, माहीम विधानसभेबाबत सदा सरवणकर काय म्हणाले?

डोंबिवलीतील माणकोली पुलावर दिवाळीचा आखाडा; फटाके फोडण्यासाठी तरूणाईची गर्दी

हेही वाचा – चेंबूरमध्ये आढळली चाळीस लाखांची रोकड

पालिकेच्या अधिकाऱ्यांनी याबाबत सांगितले की, सुटे भाग आल्यानंतरच पुढील सर्व कामे अवलंबून आहेत. तुळई स्थापन करण्यासाठी क्रेन उभे करावे लागतात. त्यामुळे आधी पोहोचरस्ते तयार करता येत नाहीत. सुटे भाग जोडल्यानंतर रेल्वेकडून रुळांवरील कामांसाठी ब्लॉक घेतला जाईल, त्यानंतर तुळई स्थापन करून पोहोचरस्त्याची कामे केली जातील, असे अधिकाऱ्यांनी सांगितले. अंबाला येथील कारखाना हा रेल्वे प्रशासनाने प्रमाणित केलेला आहे. तुळईचे सुटे भाग येणास उशीर का झाला, याची कारणे कंत्राटदाराला विचारण्यात येतील असेही अधिकाऱ्यांनी सांगितले.

सागरी किनारा मार्गावर वरळी येथे दोनपैकी एक तुळई स्थापन करण्यात आली, शिवाय दुसरी तुळई आणण्याचे नियोजन सुरू आहे. दोन्ही प्रकल्पाच्या तुळई एकाच कारखान्यातून येणार आहेत. असे असताना सागरी किनारा मार्गाचे काम वेळेत पूर्ण होते, पण गोखले पुलाची तुळई यायला वेळ का होतो?- धवल शाह, अंधेरी लोखंडवाला रहिवासी संघटना

हेही वाचा – जनशताब्दी, कोकणकन्या एक्स्प्रेसची प्रतीक्षा यादी ७६ हजारांवर

कंत्राटदाराकडून खुलासा मागवण्यात येईल. तो समाधानकारक नसल्यास कारवाई केली जाईल. तसेच नवीन वेळापत्रक ठरवून त्याचे काटेकोर पालन होईल याची काळजी घेतली जाईल. – अभिजीत बांगर, अतिरिक्त आयुक्त, मुंबई महापालिका