उपमुख्यमंत्री देवेंद्र फडणवीस जपानला रवाना

मुंबई : उपमुख्यमंत्री देवेंद्र फडणवीस पाच दिवसांच्या जपानच्या दौऱ्यासाठी रविवारी रात्री रवाना झाले. शासकीय अतिथी (स्टेट गेस्ट)चा दर्जा देवून फडणवीस यांना जपान सरकारने आमंत्रित केले आहे. वर्सोवा-विरार सागरी सेतूसाठी जपान इंटरनॅशनल कोऑपरेशन एजन्सी (जायका) सह अन्य वित्तसंस्था, जपानमधील आंतरराष्ट्रीय कंपन्या आदींसमवेत फडणवीस यांच्या बैठका आयोजित करण्यात आल्या असून अनेक सामंजस्य करारही होणार आहेत.