विद्यावेतनाच्या प्रश्नावर डॉक्टर आंदोलनाच्या पवित्र्यात, पाठपुरावा करूनही प्रशासनाचे दुर्लक्ष

राज्य सरकारच्या आदेशानुसार वैद्यकीय महाविद्यालयांमध्ये आंतरवासिता करणाऱ्या डॉक्टरांना दरमहा १८ हजार रुपये विद्यावेतन देण्यात येणे बंधनकारक आहे. त्यानुसार राज्य सरकारच्या सर्व वैद्यकीय महाविद्यालयांमध्ये आंतरवासिता करणाऱ्या डॉक्टारांना १८ हजार रुपये विद्यावेतन मिळते. मात्र मुंबई महानगरपालिकेच्या चार वैद्यकीय महाविद्यालयांमध्ये या नियमाची अद्याप अमलबजावणी करण्यात आलेली नाही. महानगरपालिकेच्या वैद्यकीय महाविद्यालयात आंतरवासिता करणाऱ्या ८०३ डॉक्टरांना फक्त ११ हजार रुपये विद्यावेतन दिले जाते. महानगरपालिकेच्या वैद्यकीय महाविद्यालयातील डॉक्टरांना राज्य सरकारच्या नियमानुसार विद्यावेतन मिळावे यासाठी मुंबई महानगरपालिका प्रशासनाकडे पाठपुरावा करण्यात येत आहे. मात्र त्याकडे प्रशासन दुर्लक्ष करीत आहे, असा आरोप डॉक्टरांनी केला आहे.

आणखी वाचा

सरकारी नोकरीची सुवर्णसंधी! तब्बल दोन हजार पदांसाठी अर्ज करण्यास काहीच दिवस शिल्लक

Madhurima Raje : सतेज पाटील ज्यांच्यामुळे ढसाढसा रडले…

राज्यामध्ये १२ लाखांपेक्षा अधिक नागरिकांचे झाले क्षयरोग लसीकरण; मुंबईमध्ये अद्याप लसीकरण मोहीमेला सुरुवात नाही

धक्कादायक! नववीत शिकणाऱ्या विद्यार्थ्याच्या पोटातून डॉक्टरांनी काढल्या तब्बल ६५ वस्तू; शस्त्रक्रियेदरम्यान झाला मृत्यू, पोटात आढळलं…

राज्यातील दीडशेवर कैद्यांची होणार कारागृहातून सुटका; नागपूर आणि पुण्यातील…

आरटीई, राज्य अभ्यासक्रम आराखड्यातील अध्यापन तासांमध्ये विसंगती… झाले काय, होणार काय?

रश्मी शुक्ला यांना महासंचालक पदावरून हटविण्याची मागणी विरोधकांकडून का होतेय? झारखंड पोलीस महासंचालकांचा संदर्भ काय?

पुणे : पालिकेच्या नोकरीला ७१ जणांनी केला रामराम, नक्की काय आहे प्रकार !

हेही वाचा…मुंबई : अमली पदार्थांची तस्करी प्रकरणी परदेशी व्यक्तीला अटक, पोटातून बाहेर काढल्या १० कोटीच्या कोकेनच्या ११० कॅप्सूल

प्रशासनाच्या आडमुठ्या भूमिकेमुळे डॉक्टरांचे मोठे नुकसान होत असून, त्यांना अनेक समस्यांना सामोरे जावे लागत आहे. राज्य सरकारच्या वैद्यकीय महाविद्यालयात आणि मुंबई महानगरपालिकेच्या रुग्णालयांमध्ये आतंरवासिता करणारे डॉक्टर समान काम करीत आहेत. मात्र मुंबई महानगरपालिका प्रशासन आपल्या वैद्यकीय महाविद्यालयांतील रुग्णालयांतील डॉक्टरांबाबत दुजाभाव करीत आहे, असा आरोप डॉक्टरांकडून करण्यात आला आहे. दरम्यान, यासंदर्भात प्रशासनाने तातडीने निर्णय न घेतल्यास आम्हाला कठोर पावले उचलावी लागतील. सुरुवातीला काळ्या फिती लावून काम करण्यात येईल. वेळप्रसंगी आंदोलनही करण्यात येईल, असा इशारा आंतरवासिता डॉक्टरांच्या संघटनेकडून देण्यात आला आहे.