मुंबई: शंभर कोटींच्या अंमली पदार्थांची तस्करी; गुजरातमधून दोघांचा ताबा

हेही वाचा >>>“गुजरातमध्ये आचारसंहितेची ऐशी की तैशी करत पंतप्रधान…”, ‘भारत जोडो’ यात्रेच्या स्थगितीवरून शिवसेनेचं मोदी सरकारवर टीकास्र

एनसीबीच्या पथकाने ६ ऑक्टोबरला एसबी पथ, फोर्ट, मुंबई येथे असलेल्या एका गोदामातून सुमारे ४९ किलो एमडी जप्त केले होते. त्यावेळी याप्रकरणी मोहम्मद खत्री व फारुख खत्री यांना अटक करण्यात आली होती. चौकशीत खत्रीने मुंबई पोलिसांनी अटक केलेल्या प्रेमप्रकाश सिंह यांच्याकडून अंमलीपदार्थ घेतल्याचे सांगितले. रसायनशास्त्र पदवीधर असलेल्या सिंह याच्या चौकशीतून मिळालेल्या माहितीनुसार मुंबई पोलिसांच्या अंमलीपदार्थ विरोधी पथकाने(एएनसी) गेल्यावर्षी २५०० किलो एमडी जप्त करून विक्रमी कारवाई केली होती. सिंहने पालघर व गुजरातमध्ये एमडीची निर्मिती करून देशभर त्याचा पुरवठा केल्याचे निष्पन्न झाले. एएनसी प्रकरणात न्यायालयीन कोठडी झाल्यानंतर एएनसीने ४९ किलो एमडी तस्करी प्रकरणी सिंहचा ताबा घेतला होता. त्यानंतर एनसीबीने याप्रकरणी शौकत मियाँ चौधरी नावाच्या व्यक्तीला अटक केली होती. चौधरीने चौकशीत मुथू दास व वैमानिक महिदा यांना अंमली पदार्थ पुरवल्याचे सांगितले होते. अखेर बुधवारी याप्रकरणी एनसीबीने महिदासह दास या दोघांचाही गुजरातमधून ताबा घेतला.

हेही वाचा >>>‘समृद्धी’वर १० दिवसांत २९ अपघात; एकाचा मृत्यू, ३३ जखमी

एनसीबीने अंमली पदार्थ प्रकरणात ताब्यात घेतलेल्या सोहेल गफार महिदा याने एअर इंडियामध्ये २०१६ ते २०१८ या काळात वैमानिर म्हणून सेवा बजावली होती. त्याने सॅन अँटोनियो, टेक्सास, यूएसए आणि लिथुनिया येथून उड्डाणाचे प्रशिक्षण पूर्ण केले आहे. जामनगर आणि मुंबईत परिसरात ही टोळी कार्यरत होती.