मुंबई : अंधेरी पूर्व येथे सोमवारी पाच वर्षांच्या मुलावर दोन अल्पवयीन मुलांनी अनैसर्गिक अत्याचार केल्याचा गंभीर प्रकार घडला. याप्रकरणी अंधेरीतील एमआयडीसी पोलिसांनी १६ व १५ वर्षांच्या अल्पवयीन मुलांविरोधात बाल लैंगिक अत्याचार प्रतिबंधक कायद्याअंतर्गत गुन्हा दाखल केला. हेही वाचा - मुंबई : प्रवाशांकडून लाच घेणारा रेल्वे पोलीस निलंबित हेही वाचा - मुंबई : म्हाडा कर्मचाऱ्यांचा संपाला पाठींबा; सक्रिय सहभाग नसला तरी काळ्या फिती लावून काम अंधेरी पूर्व येथे सोमवारी सायंकाळी हा प्रकार घडला. पीडित मुलाची आई त्याच्या मोठ्या भावाला शाळेतून आणण्यासाठी गेली होती. यावेळी त्यांनी पीडित मुलाला घरी ठेवले होते. त्यावेळी शेजारी राहणाऱ्या १५ व १६ वर्षांच्या आरोपींनी पीडित मुलगा एकटाच असल्याचे पाहून त्याच्यावर अनैसर्गिक अत्याचार केला. तसेच हा प्रकार कोणाला सांगितल्यास परिसरात बदनामी करण्याची धमकी दिली. त्यामुळे घाबरलेल्या मुलाने आई घरी आल्यावर घडलेल्या प्रकाराची माहिती दिली. त्यानंतर आईच्या तक्रारीवरून पोलिसांनी दोन अल्पवयीन मुलांविरोधात बाल लैंगिक अत्याचार प्रतिबंधक कायद्याअंतर्गत गुन्हा दाखल केला. याप्रकरणी तपास सुरू आहे.
