सुहास खामकरला सशर्त जामीन

सातबारा उताऱ्यावरील नोंदीसाठी ५० हजार रुपयांची लाच स्वीकारल्याच्या आरोपावरून गुन्हा दाखल झालेला पनवेलचा नायब तहसीलदार सुहास खामकर व त्याचा साथीदार गणेश भोगाडे याला अलिबाग सत्र न्यायालयाने प्रत्येकी २५ हजार रुपयांच्या वैयक्तिक जातमुचलक्यावर सशर्त जामीन मंजूर केला आहे. पनवेल तालुक्यातील कदम यांनी आपल्या जमिनीची विक्री केल्यानंतर खरेदीदाराचे नाव जमिनीच्या ७/१२ उताऱ्यावर नोंद करण्यासाठी पनवेल तहसील कार्यालयात अर्ज केला होता. मात्र त्यासाठी नायब तहसीलदार सुहास खामकर याने त्यांच्याकडे लाच मागितली होती.