मुंबई : स्वस्तात घरे देण्याचे आमीष दाखवून अडीच कोटी रुपयांची फसवणूक ; ११ जणांविरोधात तक्रार | Fraud by showing the lure of cheap houses mumbai print news amy 95 | Loksatta

मुंबई : स्वस्तात घरे देण्याचे आमीष दाखवून अडीच कोटी रुपयांची फसवणूक ; ११ जणांविरोधात तक्रार

स्वस्तात घरे देण्याचे आमीष दाखवून अनेकांची फसवणूक केल्याप्रकरणी वनराई पोलिसांनी गुन्हा दाखल केला आहे.

मुंबई : स्वस्तात घरे देण्याचे आमीष दाखवून अडीच कोटी रुपयांची फसवणूक ; ११ जणांविरोधात तक्रार
( संग्रहित छायचित्र )

स्वस्तात घरे देण्याचे आमीष दाखवून अनेकांची फसवणूक केल्याप्रकरणी वनराई पोलिसांनी गुन्हा दाखल केला आहे. आरोपींमध्ये स्थानिक राजकीय पदाधिकारी व सरकारी अधिकाऱ्यासह ११ जणांचा समावेश असल्याचा आरोप तक्रारीमध्ये करण्यात आला आहे. आतापर्यंत अडीच कोटी रुपयांची फसवणूक झाल्याचे तक्रारीत नमुद करण्यात आले आहे.तक्रारदार चेतन जायगडे विलेपार्ले येथील येथील रहिवासी आहे. एका निवृत्त पोलिसाच्या माध्यमातून जायगडे यांची नवीन सिंह गोरखा याच्याशी ओळख झाली होती. त्याने गोरेगाव पूर्व येथे एक कंपनी सुरू करून गरीबांना १२ लाख रुपयांत अंधेरी पूर्व येथील चकाला परिसरा घर देण्याचे आमीष दाखवले. सुरुवातीला चार लाख रुपये धनादेशाद्वारे व पाच लाख रुपये रोख रक्कम द्यावी लागेल. तसेच घराचा ताबा मिळाल्यानंतर उर्वरीत रक्कम द्यावी लागेल असे जायगडे यांना सांगण्यात आले होते. त्यानुसार तक्रारदाराने १३ ऑक्टोबर २०२१ रोजी धनादेशाद्वारे रक्कम कंपनीच्या खात्यावर हस्तांतरित केली.

हेही वाचा >>>बेस्टच्या नोटीसवर कंत्राटदाराचे मौन; मिनी बसची संख्या रोडावली

उर्वरीत काही रक्कम रोख स्वरूपात दिली. त्यानंतर जायगडे यांना बनावट कागदपत्रे देण्यात आली होती. या प्रक्रियेत एमएमआरडीएतील कथित अधिकाऱ्याचाही सहभाग असल्याचे जायगडे यांनी तक्रारीत म्हटले आहे. त्याने जायगडे यांना दिलेली कागदपत्रे खरी असल्याचेही सांगितले होते. त्यानंतर घराचा ताबा देण्यासाठी चालढकल करण्यात येऊ लागली. त्यामुळे जायगडे यांना संशय आला. त्यांनी आरोपीने दिलेली कागदपत्रे तपासली असता ती बनावट असल्याचे निष्पन्न झाले. त्यानंतर जायगडे व फसवणूक झालेल्या इतर व्यक्तींनी आरोपींबरोबर बैठक घेतली. अशी कोणतीही योजना नसून आरोपींनी स्वतःच्या वापरासाठी संबंधित रक्कम घेतल्याचे बैठकीत लक्षात आले. आरोपीने जायगडे यांचे पैसे परत करण्याची लेखी हमी दिली. पण त्यानंतरही रक्कम न मिळाल्याने अखेर त्यांनी याप्रकरणी वनराई पोलिसांकडे तक्रार केली. त्यानुसार पोलिसांनी फसवणूक व बनावट कागदपत्र तयार केल्याप्रकरणी गुन्हा दाखल करण्यात आला.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुंबई : ज्येष्ठ अभिनेते अशोक सराफ यांना ‘झी टॉकीज’चा मानाचा मुजरा

संबंधित बातम्या

धारावीचं टेंडर विशिष्ट व्यक्तीला मिळावं म्हणून सीमावाद पुढे आणला जातोय का? शरद पवार म्हणाले…
मुंबई महानगरपालिकेच्या शाळांतील शिक्षकांचे प्रगतीपुस्तक जाहीर; चार वर्षात सात शिक्षक निलंबित, तर १७९ शिक्षकांवर कारवाईचा बडगा
मध्य रेल्वेवर रविवारी मेगाब्लॉक; पश्चिम रेल्वे मार्गावरील प्रवाशांना मात्र दिलासा
गुन्हा दाखल केल्याने लग्नात अडचणी
विश्लेषण: ओला, उबरसारखी आता ‘बेस्ट’चीही ॲप टॅक्सी सेवा… आणखी कोणत्या सेवा अपेक्षित?

व्हिडिओ

ताज्या बातम्या
अजिंक्य रहाणेने पहिल्यांदाच शेअर केला लेकाचा फोटो, नाव ठेवलं…
समंथाचा ‘यशोदा’ लवकरच येणार ओटीटी प्लॅटफॉर्मवर; ‘या’ दिवशी होणार प्रदर्शित
“माझा फोन घेतला, पालकांना मारण्याची धमकी दिली अन् चेहऱ्यावर…”; प्रसिद्ध अभिनेत्रीने केला घरगुती हिंसाचाराचा खुलासा
हिवाळ्यात जास्त गरम पाणी पिणे ठरू शकते नुकसानकारक; जाणून घ्या याचे दुष्परिणाम
“होम मिनिस्टरच्या कार्यक्रमात…” सायली संजीवने सांगितली आदेश बांदेकरांबद्दल ‘ती’ आठवण