आजही समाजातील काही भाग चूल आणि मूल या संकल्पनेपलीकडे महिलांना पाहत नाही. अशावेळी ही बंधनं जुगारून काही महिला घराबाहेर पडतात. नव्या शहरात, नव्या ठिकाणी त्या स्वतःचं अस्तित्व निर्माण करू पाहतात. पण पुन्हा महिला म्हणून त्यांना अनेक अडचणींना सामोरं जावं लागतंच. अशावेळी या महिलांना आधाराची गरज असते. गेली दहा वर्ष अशा बेघर महिलांना हा आधार देण्याचं काम 'उर्जा' ही संस्था करत आहे. ही संस्था सुरू करण्यामागे देखील एक संघर्ष आहे. हा संघर्ष संस्थेच्या सहसंस्थापिका दिपाली वंदना यांनी लोकसत्ताशी बोलताना सांगितला आहे. ‘गोष्ट असामान्यांची’ या लोकसत्ता लाइव्हच्या विशेष मालिकेतील आणखी व्हिडीओ पाहण्यासाठी येथे क्लिक करा.
