घरांच्या किमतीत पाच टक्के वाढ; बांधकाम साहित्य दरवाढीबरोबर वाढत्या मागणीचा परिणाम

दिल्ली परिसरातील घरांच्या किमती दहा टक्क्यांनी वाढल्या आहेत तर, अहमदाबाद आणि हैदराबाद या शहरांमध्ये गेल्या वर्षांच्या तुलनेत अनुक्रमे ९ व ८ टक्के वाढ नोंदवली. बांधकाम साहित्यात झालेली दरवाढ आणि घरांच्या मागणीत वाढ झाल्यामुळे घरांच्या किमतींमध्ये वाढ झाल्याचा दावा करण्यात आला आहे. 

मुंबई महानगर परिसरातील विकल्या न गेलेल्या घरांची संख्या मागील वर्षांच्या तुलनेत १४ टक्क्यांनी वाढली आहे. विकल्या न गेलेल्या घरांमध्ये मुंबई महानगर परिसरातील घरांचा वाटा सर्वाधिक म्हणजे ३६ टक्के आहे. या परिसरात अनेक नवीन प्रकल्प सुरू झाल्यामुळे विकल्या न गेलेल्या घरांच्या संख्येत वाढ झाली आहे. मुंबईत पश्चिमेकडील उपनगरांमध्ये (दहिसरपलीकडील) गेल्या वर्षांच्या तुलनेत सर्वाधिक म्हणजे १२ टक्के वाढ दिसून आली आहे. मध्यवर्ती उपनगरांच्या विस्तारित भागातील विकली न गेलेल्या घरांची संख्या २६ टक्के आहे.