अंडरवर्ल्ड डॉन दाऊद इब्राहिमचा भाऊ इकबाल कासकर NCB च्या ताब्यात! - Marathi News | Iqbal Kaskar Underworld Don Dawood Ibrahim Brother Detained By Mumbai Ncb Pmw 88

अंडरवर्ल्ड डॉन दाऊद इब्राहिमचा भाऊ इकबाल कासकर याला NIA नं ताब्यात घेतलं आहे. अंमली पदार्थ प्रकरणी त्याची चौकशी केली जाणार आहे.

दाऊद इब्राहिमचा भाऊ इकबाल कासकर एनसीबीच्या ताब्यात

अंडरवर्ल्ड डॉन दाऊद इब्राहिमचा भाऊ इकबाल कासकरला मुंबई एनसीबी अर्थात नार्कोटिक्स कंट्रोल ब्यूरोनं ताब्यात घेतलं आहे. अंमली पदार्थ तस्करी प्रकरणी एनसीबीनं ही कारवाई केली आहे. गेल्या वर्षभरापासून मुंबईतील ड्रग्ज रॅकेट आणि त्यामागे असणाऱ्या अनेक मोठ्या नावांची चौकशी एनसीबीकडून करण्यात आली आहे. त्यानंतर आज एनसीबीनं इकबाल कासकरला ताब्यात घेतलं असून त्याची चौकशी होणार असल्याची माहिती मिळत आहे. जम्मू-काश्मीरमधील एका अंमली पदार्थ प्रकरणामध्ये त्याला ताब्यात घेण्यात आल्याची देखील माहिती मिळत आहे.

Dawood Ibrahim’s brother Iqbal Kaskar has been taken into custody by NCB in a drugs case: NCB
(file photo) pic.twitter.com/CJ4QCoFLui
— ANI (@ANI) June 23, 2021

जम्मू-काश्मीरहून पंजाबमध्ये जवळपास २५ किलो चरस आणण्यात आलं होतं. हे चरस तिथून मुंबईमध्ये वितरीत केलं जाणार होतं, असा संशय एनसीबीला असून त्यासंदर्भात इक्बाल कासकरची चौकशी केली जाणार आहे. याआधी देखील इकबाल कासकरविरोधात ईडी अर्था अंमलबजावणी संचलनालयाने खंडणी प्रकरणात गुन्हा दाखल केला होता.

First published on: 23-06-2021 at 15:47 IST

TOPICSदाऊद Dawood दाऊद इब्राहिम Dawood Ibrahim

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Iqbal kaskar underworld don dawood ibrahim brother detained by mumbai ncb pmw