मागोवा : मराठी-मुस्लीम मतदार निर्णायक

२०१९ च्या निवडणुकीमध्ये या मतदारसंघात ५३ टक्के मतदान झाले होते. काँग्रेसने येथे भाजप उमेदवार उज्ज्वल निकम हे उपरे उमेदवार असल्याचा प्रचार केला होता. महागाई, बेरोजगारी आणि झोपड्यांचा पुनर्विकास यावरही काँग्रेसच्या प्रचाराचा भर होता. भाजप उमेदवार उज्ज्वल निकम यांचा प्रचार दहशतवाद आणि मोदींची हॅट्ट्रिक याभोवती फिरत होता. निकम यांचे मुद्दे येथील मतदारांना भावल्याचे काही दिसले नाही.

हेही वाचा >>> मराठा समाजावरील योजनांच्या प्रसिद्धीसाठी २६ कोटी

मतदानाच्या दिवशी गुजराती आणि मुस्लीम मतदारांच्या मतदान केंद्रांवर मोठ्या रांगा होत्या. दुपारनंतर मराठी मतदार मोठ्या संख्येने मतदानास बाहेर पडले होते. उद्धव ठाकरे गटाच्या शिवसैनिकांनी येथील निवडणूक हाती घेतल्याचे दिसले. उत्तर भारतीय आणि गुजराती मतदार भाजपच्या बाजूने गेल्याचे दिसते.

चांदिवली या मतदारसंघातील एक विधानसभा क्षेत्र आहे. येथे मराठी, ख्रिाश्चन आणि मुस्लीम मतदार बहुसंख्येने आहेत. एकनाथ शिंदे यांच्या शिवसेनेचा येथे आमदार आहे. चांदिवलीच्या भोवती येथील निवडणूक फिरताना दिसते आहे. वंचितने येथे दलित उमेदवार दिला आहे. बसप आणि एमआयएमचे उमेदवार मुस्लीम आहेत. परिणामी, काँग्रेसच्या वर्षा गायकवाड यांच्या मतदानावर त्याचा परिणाम होण्याची शक्यता आहे.