मोहन भागवतांना अटक करण्याचे आदेश दिले होते, मालेगाव बॉम्बस्फोट प्रकरणी विशेष न्यायालयात आरोपीच्या वकिलाचा दावा

मुजावर यांना परमबीर सिंग यांनी बोलावले होते व नागपूरला जाऊन सरसंघचालक मोहन भागवत यांना अटक करून मुंबईत आणण्याचे आदेश दिले होते. परंतु, तोंडी आदेश दिल्याने मुजावर यांनी त्याचे पालन केले नाही. परिणामी मुजावर यांना सोलापुरातील एका खोट्या प्रकरणात गोवण्यात आले. मुजावर यांनी सोलापूर न्यायालयात दिलेल्या जबाबात ही माहिती उघडकीस आली असून, मालेगाव बॉम्बस्फोटाचा तपास खोटा व हिंदू दहशतवादाचे खोटे कथानक पसरवण्यासाठीच होता, असा दावाही सांगळे यांनी युक्तिवादाच्या वेळी केला.

मालेगाव येथे सुमारे १६ वर्षांपूर्वी झालेल्या बॉम्बस्फोटांशी संबंधिक प्रकरणातील खटला अखेर अंतिम टप्प्यात पोहोचला आहे. खटल्यातील साक्षीदारांचे साक्षीपुरावे नोंदवण्याची प्रक्रिया काही महिन्यांपूर्वी पूर्ण झाली. सध्या नोंदवण्यात आलेल्या साक्षीपुराव्यांवरील अंतिम युक्तिवादाला मुंबई उच्च न्यायालयात सुरू आहे.