मुंबई लोकलमध्ये विद्यार्थिनीवर अत्याचार करणारा विकृतच; त्याच दिवशी आणखी पाच महिलांशीही केलं गैरवर्तन!

नेमका काय प्रकार घडला?

बुधवारी अर्थात १४ जून रोजी सकाळी साडेसातच्या सुमारास हा प्रकार घडला. मुंबई छत्रपती शिवाजी महाराज टर्मिनसवरून निघालेल्या एका लोकलच्या लेडिज डब्यात ४० वर्षीय नवाझू शेख चढला. यावेळी एक २० वर्षीय युवती त्या डब्यात एकटी बसली होती. या विकृतानं तिच्यावर अत्याचार केले. ही युवती बेलापूरच्या दिशेनं जात होती. सीएसएमटी ते मस्जिद बंदरदरम्यान हा सगळा प्रकार घडला. या युवतीने लागलीच रेल्वे सुरक्षा दलाकडे तक्रार दाखल केली. त्यानंतर पोलिसांनी गुन्हा दाखल केला.

“मुंबईत धावत्या लोकलमध्ये बलात्कार झालाच नाही, आरोपीनं मुलीशी…”, चित्रा वाघांची सुप्रिया सुळेंवर टीका, म्हणाल्या…

सीसीटीव्ही फूटेजवरून समोर आली विकृती!

दरम्यान, एकीकडे या प्रकरणाची चर्चा आणि तपास चालू असताना याच विकृताचं त्याच दिवशीचं सीएसएमटी स्थानकावरचं सीसीटीव्ही फूटेज समोर आलं आहे. यामध्ये या विकृतानं आणखीन पाच महिलांशी गैरर्तन केल्याचं समोर आलं आहे. विशेष म्हणजे, करीम हे सगळं करत असताना आसपासच्या कोणत्याही प्रवाशाने त्याला हटकलं नाही. एका घटनेत करीमनं मुद्दाम आपला कोपरा एका महिलेला लावल्याचं दिसत आहे. दुसऱ्या एका महिलेला करीम मुद्दाम जाऊन धडकल्याचंही फ्री प्रेस जर्नलच्या वृत्तात म्हटलं आहे.

“मुंबई लोकलमध्ये विद्यार्थिनीवर बलात्काराची घटना गृहखात्याच्या कार्यक्षमेतवर प्रश्नचिन्ह….” अजित पवारांची टीका

महिलांना चुकीच्या पद्धतीने स्पर्श करणं आणि गर्दीचा फायदा घेऊन तिथून काढता पाय घेणं अशा पद्धतीने करीम या सगळ्या गोष्टी करताना दिसत होता. तो दारूच्या नशेत असल्याचं आधी समोर आलं होतं. मात्र, नव्याने समोर आलेल्या सीसीटीव्ही फूटेजमध्ये तो जाणून-बुजून हे सर्व करत असल्याचा प्रकारही आता उघड झाला आहे.