मुंबई : मध्य आणि पश्चिम रेल्वेवरील विविध अभियांत्रिकी आणि देखभालीची कामे करण्यासाठी रविवारी मेगाब्लॉक घेण्यात आला आहे. मध्य रेल्वे मुख्य मार्ग कुठे : माटुंगा - मुलुंड अप आणि डाऊन जलद मार्गावर कधी : सकाळी ११.०५ ते दुपारी ३.५५ वाजेपर्यंत परिणाम : सीएसएमटी - ठाणेदरम्यान अप आणि डाऊन मार्गावरील जलद लोकल धीम्या मार्गावर वळवण्यात येतील. हेही वाचा >>> पती-सासूच्या छळाला कंटाळून चार महिन्यांच्या मुलीच्या हत्येचा आरोप, महिलेला उच्च न्यायालयाकडून जामीन हार्बर मार्ग कुठे : पनवेल - वाशी अप आणि डाऊन मार्गावर कधी : सकाळी ११.०५ ते दुपारी ४.०५ वाजेपर्यंत परिणाम : ब्लॉक कालावधीत सीएसएमटी - पनवेल लोकल सेवा रद्द असतील. ब्लॉक कालावधीत सीएसएमटी - वाशीदरम्यान विशेष लोकल चालविण्यात येतील. ठाणे - वाशी / नेरुळ स्थानकांदरम्यान ट्रान्सहार्बर मार्गिकेवरील लोकल सेवा सुरू असेल. बेलापूर / नेरुळ आणि उरण स्थानकांदरम्यान पोर्ट मार्गिका सुरू असेल. हेही वाचा >>> वंदे भारत पश्चिम रेल्वेवर ताशी १६० किमीच्या वेगाने धावणार पश्चिम रेल्वे कुठे : चर्चगेट - मुंबई सेंट्रल अप आणि डाऊन धीम्या मार्गावर कधी : सकाळी १०.३५ ते दुपारी ३.३५ वाजेपर्यंत परिणाम : ब्लॉक कालावधीत चर्चगेट - मुंबई सेंट्रल स्थानकांदरम्यान सर्व धीम्या मार्गावरील लोकल जलद मार्गावर चालवल्या जातील. या ब्लॉकमुळे काही अप आणि डाऊन लोकल रद्द राहतील.
