लोकसत्ता प्रतिनिधी

मुंबई : मुंबई मेट्रो वन प्रायव्हेट लिमिटेडविरोधातील (एमएमओपीएल) दिवाळीखोरीची याचिका अखेर राष्ट्रीय कंपनी कायदा न्यायाधिकरणाने नुकतीच निकाली काढली आहे. त्यामुळे वर्सोवा – अंधेरी – घाटकोपर मेट्रो १ मार्गिका ताब्यात घेण्याचा मुंबई महानगर प्रदेश विकास प्राधिकरणाचा (एमएमआरडीए) मार्ग मोकळा झाला आहे. एमएमओपीएलच्या कर्जाची परतफेड करण्याची हमी एमएमआरडीएने दिली असून मेट्रो १ मार्गिका ताब्यात घेण्याची प्रक्रियाही सुरू केली आहे.

backward classes commission report in obc in bengal
राष्ट्रीय मागासवर्ग आयोगाच्या अहवालानेच पश्चिम बंगालमधील ओबीसी प्रमाणपत्र रद्द !
Reliance Capital
रिलायन्स कॅपिटलची दिवाळखोरी प्रक्रियेसाठी मुदतवाढीची ‘एनसीएलटी’कडे मागणी
Fire Erupts, Fire Erupts at Varsha Printing and Pen Ink, nagpur, fire incident in Nagpur, Varsha Printing and Pen Ink Manufacturing Company in Nagpur, Hingna MIDC, No Casualties Reported,
नागपूर : एमआयडीसीतील प्रिटींग शाई तयार करणाऱ्या कंपनीला आग
Hero Electric Benling India will miss out on Fame discounts
हिरो इलेक्ट्रिक, बेनलिंग इंडिया ‘फेम’ सवलतींना मुकणार!
Important project works to Megha Engineering in procurement of election bonds
मेघा इंजिनीअरिंगला नवे कंत्राट; निवडणूक रोखे खरेदीतील चर्चित कंपनीकडे महत्त्वपूर्ण प्रकल्पातील कामे
Mumbai Municipal Corporation, bmc, Seizes Properties, Unpaid Property Taxes, bmc news, tax not paid news,
मुंबई : मालमत्ता कर थकवणाऱ्या शैक्षणिक संस्थेचे संगणक केंद्र टाळेबंद, मालाडमधील संस्थेवर कारवाई
pune, State Excise Department, Busts Illegal Liquor Sale, Illegal Liquor Sale, Illegal Liquor Sale at Kothrud, kothrud Illegal Liquor Sale, Illegal Liquor Sale at Kothrud Dhaba, kothrud dhaba, pune news, pune Illegal Liquor Sale, marathi news,
पुणे : बेकायदा मद्य विक्री करणाऱ्या ढाबाचालकाला एक लाखांचा दंड
Maharera Warns Developers Use Certified Brokers for House Transactions or Face Strict Action
प्रशिक्षित, प्रमाणपत्रधारक दलालांमार्फतच घर विक्री – खरेदी करा, अन्यथा प्रकल्पांविरोधात कडक कारवाई; महारेराचा विकासकांना इशारा

मेट्रो १’या मार्गिकेची उभारणी खासगी – सार्वजनिक भागीदारी तत्त्वावर रिलायन्स इन्फ्रा अर्थात एमएमओपीएलकडून करण्यात आली आहे. यात ७४ टक्के हिस्सा एमएमओपीएल (रिलायन्स इन्फ्रा) तर २६ टक्के हिस्सा एमएमआरडीएचा आहे. मार्गिकेची मालकी आणि देखभाल, संचलन जबाबदारी एमएमओपीएलकडे आहे. दरम्यान ही मार्गिका सेवेत दाखल झाल्यापासून आर्थिक तोट्यात आहे. हा तोटा भरून काढण्यासाठी एमएमओपीएलने तिकीट दरात मोठी वाढ करण्याचा निर्णय घेतला होता. पण ही वाढ करता आली नाही. त्यामुळे तोटा वाढताच आहे. एमएमओपीएलने आपला हिस्सा विकण्याचा निर्णय घेतला आणि २०२० मध्ये यासंबंधीचे पत्र राज्य सरकारला पाठविले होते. त्यानंतर हा हिस्सा एमएमआरडीएने विकत घेण्याचे ठरविले. त्यासाठीची प्रक्रिया सुरू केली आणि आता या प्रक्रियेने वेग घेतला आहे.

आणखी वाचा-मुंबई : महिला डब्यातून पुरुषांचा प्रवास, वातानुकूलित लोकलच्या महिला प्रवाशांची सुरक्षा ऐरणीवर

मेट्रो १ मार्गिका ताब्यात घेण्यात एक मोठा अडथळा होता तो म्हणजे एमएमओपीएल विरोधातील दिवाळखोरीच्या याचिकेचा. एमएमओपीएलने सहा बँकांकडून १७११ कोटी रुपयांचे कर्ज घेतले आहे. यात एसबीआय व आयडीबीआय बँकेकडून घेतलेल्या कर्जाचा ही समावेश होता. या दोन्ही बँकांनी राष्ट्रीय कंपनी कायदा न्यायाधिकरणाकडे धाव घेत एमएमओपीएलविरोधात याचिका दाखल केली होती. पण आता एमएमआरडीएने ही मार्गिका ताब्यात घेण्याची प्रक्रिया सुरू केली असून आतापर्यंत १७५ कोटी रुपये कर्जाची परतफेड केल्याने व कर्ज फेडीची हमी दिल्याने एमएमओपीएल विरोधातील दिवाळखोरीची याचिका सोमवारी निकाली काढण्यात आली. आता मेट्रो १ मार्गिका ताब्यात घेण्याचा एमएमआरडीएचा मार्ग मोकळा झाला आहे.