मुंबई : म्हाडाच्या मुंबई मंडळाच्या मालकीच्या जागेवरील अनधिकृत जाहिरात फलकाविरोधातील कारवाई सुरूच आहे. मंडळाने मुंबई महानगरपालिकेच्या मदतीने गुरुवारी दुसरा अनधिकृत जाहिरात फलक हटविला.

घाटकोपर जाहिरात फलक दुर्घटनेची गंभीर दखल घेत म्हाडा उपाध्यक्ष संजीव जयस्वाल यांनी म्हाडाच्या जागेवरील जाहिरात फलकांचे सर्वेक्षण करण्याचे आदेश सर्व विभागीय मंडळांना दिले होते. त्यानुसार मुंबईत ६० अनधिकृत जाहिरात फलक आढळले आहेत. म्हाडाच्या जागेवर जाहिरात लावण्यासाठी मुंबई मंडळाचे ‘ना हरकत’ प्रमाणपत्र घेणे आवश्यक आहे. मात्र मंडळाचे ‘ना हरकत’ प्रमाणपत्र न घेता ६० जाहिरात फलक लावण्यात आल्याचे सर्वेक्षणात स्पष्ट झाले. त्यानंतर म्हाडाने पालिकेला पत्र पाठवून अनधिकृत जाहिरात फलक हटविण्याची सूचना केली होती. मात्र पालिकेकडून यासंबंधीची कोणतीही कारवाई करण्यात आली नाही. त्यामुळे मुंबई मंडळाने आता स्वतः अनधिकृत जाहिरात फलकांविरोधात कारवाई सुरू केली आहे. जाहिरात फलक हटविण्यासाठीची यंत्रसामग्री आणि मनुष्यबळ म्हाडाकडे नाही. त्यामुळे मुंबई मंडळाने पालिकेच्या मदतीने जाहिरात फलक हटविण्यास सुरुवात केली आहे.

Bhavesh bhinde Ghatkopar hoarding accident
घाटकोपरमधील महाकाय फलक दुर्घटना : जामिनासाठी अजब दावा करणाऱ्या भावेश भिंडेच्या याचिकेवर भूमिका स्पष्ट करा, उच्च न्यायालयाचे पोलिसांना आदेश
mumbai ramabai ambedkar nagar redevelopment project marathi news
रमाबाई आंबेडकर नगर पुनर्विकास : १६ हजार ५७५ पैकी केवळ ७ हजार ५२९ रहिवासी पात्र
RTE Act Amendment Unconstitutional,
आरटीई कायद्यातील दुरुस्ती घटनाबाह्य, उच्च न्यायालयाचा निर्वाळा
Mumbai local disrupted marathi news
Mumbai Rain News: मुसळधार पावसामुळे लोकल विस्कळीत
Mumbai rain updates marathi news
Mumbai Rain Alert: मुंबईत पुढील काही तासांत मुसळधार पावसाची शक्यता
mumbai university marathi news
अधिसभा निवडणूक टाळण्यावर भर? मुंबई विद्यापीठाकडून वेगवेगळ्या कारणांचे पालुपद; दिरंगाईबद्दल विद्यार्थी संघटना आक्रमक
Loksatta karan rajkaran Will the Thackeray group leave the seat for the Congress from the Versova assembly constituency of North West Mumbai Constituency
कारण राजकारण : वर्सोव्याची जागा काँग्रेसला सोडणार?
Ajit Pawar nationalist pink color will be the special identity of the party
अजित पवार यांच्या राष्ट्रवादीचा रंग ‘गुलाबी’
Shinde group  front line building for assembly begins Insisting for 100 seats in the grand alliance
विधानसभेसाठी शिंदे गटाच्या मोर्चेबांधणीला सुरुवात; महायुतीत १०० जागांसाठी आग्रही

हेही वाचा – दक्षिण मुंबईत वास्तव्याला असलेल्या बांगलादेशी नागरिकांना अटक

हेही वाचा – मुंबई : लाकूड जाळून चालणाऱ्या बेकऱ्या बंद होणार ?

गेल्या आठवड्यात मुंबई मंडळाने मौजे विलेपार्ले (ता. अंधेरी) येथील भूखंड क्रमांक ३६, विलेपार्ले शुभ जीवन सहकारी गृहनिर्माण संस्था येथील अनधिकृत जाहिरात फलकाविरोधात कारवाई केली होती. हा ४० बाय ४० फुटाचा भलामोठा जाहिरात फलक होता. हा अनधिकृत फलक हटविल्यानंतर मुंबई मंडळाने गुरुवारी (२० जून) वर्सोवा येथील एमटीएनएल एस.व्ही.पी. नगर येथील अनधिकृत जाहिरात फलक हटविल्याची माहिती मुंबई मंडळातील अधिकाऱ्याने दिली. मुंबई मंडळाचे ‘ना हरकत’ प्रमाणपत्र न घेता हा जाहिरात फलक लावण्यात आला होता. ही कारवाई यापुढेही सुरूच राहणार आहे. पोलीस संरक्षण, पालिकेचे मनुष्यबळ आणि यंत्रणा उपलब्ध होताच एक एक जाहिरात फलक हटविण्यात येईल, असेही या अधिकाऱ्याने सांगितले.