scorecardresearch

Premium

सनातन संस्थेच्या कथित सदस्याच्या घर-गोडाऊनमधून २० बॉम्ब जप्त, उच्च न्यायालयाकडून जामीन मंजूर

मुंबई उच्च न्यायालयाने पुण्यातील सनबर्न फेस्टीव्हलवर हल्ला करण्यासाठी बॉम्ब तयार केल्याचा आरोप असणाऱ्या सनातन संस्थेच्या कथित सदस्याला जामीन मंजूर केला आहे.

Mumbai High Court on Sanatan Sanstha Vaibhav Raut
पुण्यातील सनबर्न फेस्टिव्हलवर बॉम्ब हल्ल्याचा आरोप असणाऱ्या सनातन संस्थेच्या कथित सदस्याला उच्च न्यायालयाकडून जामीन मंजूर करण्यात आला. (छायाचित्र – लोकसत्ता डॉट कॉम ग्राफिक्स टीम)

मुंबई उच्च न्यायालयाने पुण्यातील सनबर्न फेस्टीव्हलवर हल्ला करण्यासाठी बॉम्ब तयार केल्याचा आरोप असलेल्या सनातन संस्थेच्या कथित सदस्याला जामीन मंजूर केला आहे. आरोपीचं नाव वैभव राऊत असं आहे. महाराष्ट्र दहशतवाद विरोधी पथकाने (एटीएस) केलेल्या कारवाईत सनातनचा सदस्य असलेल्या आरोपी वैभव राऊतच्या घरातून ८ बॉम्ब आणि गोडाऊनमधून १२ बॉम्ब जप्त करण्यात आले होते. याशिवाय त्याच्याकडून एक डायरीही जप्त करण्यात आली होती. या डायरीत आरोपीचं हल्ल्याचं नियोजन आणि बॉम्ब तयार करण्याविषयीची तपशीलवार माहिती होती.

न्यायमूर्ती रेवती मोहिते डेरे आणि गौरी गोडसे यांच्या खंडपीठाने आरोपी वैभव राऊतला जामीन मंजूर केला. यावेळी न्यायालयाने आरोपी ५ वर्षांपासून तुरुंगात आहे आणि खटला लवकर पूर्ण होणार नाही या आधारावर हा जामीन मंजूर करण्याचा निर्णय घेतला. याशिवाय राऊतच्या अटकेच्या आधी त्याच्याकडून बॉम्ब जप्त करण्यात आले होते असं म्हणत भारतीय पुरावा कायदा कलम २७ चाही आधार न्यायालयाने घेतला.

spying for Pakistan
पाकिस्तानसाठी हेरगिरी करणाऱ्याच्या खटल्यावर निर्णय कधी? उच्च न्यायालयाने सत्र न्यायालयाला विचारले…
bribe for Aryan Khan release
आर्यन खानच्या सुटकेसाठी लाच मागितल्याचा आरोप : समीर वानखडेंविरोधातील आर्थिक गैरव्यवहाराचे प्रकरण दिल्ली मुख्यालयाकडे वर्ग
Order of lower court refusing to close fraud case quashed by special court Mumbai news
फसवणुकीप्रकरणी मोहित कंबोज यांना दिलासा; प्रकरण बंद करण्यास नकार देणारा कनिष्ठ न्यायालयाचा आदेश विशेष न्यायालयाकडून रद्द
Hearing in the case of Gyanvapi Masjid today
ज्ञानवापी मशीद प्रकरणी आजही सुनावणी

बॉम्ब सापडलेलं घर आरोपीच्या वडिलांच्या नावावर

यावेळी न्यायालयाने हेही नोंदवलं की, ज्या घरातून बॉम्ब जप्त करण्यात आले ते घर आरोपीच्या वडिलांच्या नावावर होतं आणि गोडाऊनही आरोपीच्या नावावर नव्हतं. हस्तलेखन तज्ज्ञांचे मत वगळता जप्त करण्यात आलेल्या डायरीला इतर कोणताही दुजोरा नाही.

नेमकं प्रकरण काय आहे?

महाराष्ट्र दहशतवाद विरोधी पथकाने २०१८ मध्ये आरोपी वैभव राऊत आणि इतरांवर कारवाई केली होती. तसेच त्यांच्यावर विविध कलमांन्वये गुन्हे दाखल केले होते. एटीएसच्या म्हणण्यानुसार, आरोपी वैभव राऊत आणि इतर आरोपी भारताला अस्थिर करण्याच्या मोठ्या कटाचा भाग होते. त्यांना काही दहशतवादी कृत्य करून देशाची एकात्मता आणि सार्वभौमत्व संपवायची होती.

हेही वाचा : ‘देश का नेता कैसा हो, वैभव राऊत जैसा हो’ हिंदुत्त्ववाद्यांच्या घोषणा

पुण्यातील सनबर्न कार्यक्रम उथळून लावण्यासाठी बॉम्ब हल्ल्याचा कट

आरोपी राऊत आणि इतर आरोपी हे सनातन संस्थेचे सक्रीय सदस्य होते. सनातन संस्थेचा हेतू हिंदू राष्ट्र निर्माण करणे हा आहे. यासाठी महाराष्ट्रासह शेजारील राज्यांमध्ये गुप्तपणे दहशतवादी कृत्य करण्यासाठी टोळ्या निर्माण करणे हाही त्यांचा उद्देश होता. त्यांनी पुण्यातील सनबर्न कार्यक्रम पाश्चिमात्य सांस्कृतिक कार्यक्रम असल्याचा आरोप करत तो उथळून लावण्यासाठी बॉम्बचा साठा निर्माण केला होता.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mumbai high court grants bail to alleged sanatan sanstha member vaibhav raut pbs

First published on: 07-10-2023 at 18:13 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×