मुंबई : कडाक्याच्या थंडीला जिद्दीची जोड आणि ‘हर दिल मुंबई’चा नारा देत हजारो मुंबईकर तसेच जगभरातील धावपटू ‘टाटा मुंबई मॅरेथॉनमध्ये धावले. तरुणाईच्या सळसळत्या उत्साहाला तोडीस तोड ज्येष्ठ नागरिकांची जिद्दही मुंबईच्या रस्त्यांवर नागरिकांनी अनुभवली. मुंबई मॅरेथॉनसाठी देशासह जगभरातील धावपटू शनिवारीच मुंबईत दाखल झाले. काहीजण हॉटेलमध्ये राहिले. तर काहींनी मुंबईतील नातेवाईकांकडे वास्तव्य केले. मात्र गुजरातमधील सुरत येथून रेल्वेने ७६ वर्षीय नरेश तालिया हे आजोबा शनिवारी सायंकाळच्या सुमारास एकटेच छत्रपती शिवाजी महाराज टर्मिनसला पोहोचले, रात्री रेल्वे स्थानकावरच झोपले आणि सकाळी ७.३५ वाजता मॅरेथॉनमध्ये धावायला सुरुवात करून यशस्वीरीत्या मॅरेथॉन पूर्ण केली.

गुजरातमधील सुरत येथून आलेले तालिया हे ‘टाटा मुंबई मॅरेथॉन २०२४’ या स्पर्धेच्या ज्येष्ठ नागरिकांच्या गटात सहभागी झाले होते. छत्रपती शिवाजी महाराज टर्मिनस ते मेट्रो सिनेमा या मार्गावरची ४.२ किलोमीटरची मॅरेथॉन पूर्ण करून त्यांनी समाप्त रेषेजवळ योगासने केली. वयाच्या ७६ व्या वर्षी तालिया यांनी केलेले निरलंब शिर्षासन, हनुमानासन पाहून अनेकजण थक्क झाले. त्यांनी परिधान केलेला तिरंग्याचा पोशाखही सर्वांचेच लक्ष वेधून घेत होता.

Dombivli railway station,
डोंबिवली रेल्वे स्थानकात फलाट पाचवर छत नसल्याने प्रवाशांची तारांबळ
panvel railway station to karanjade bus service, inadequate karanjade bus services, karanjade colony residents suffer due to inadequate karanjade bus, panvel news
पनवेल : करंजाडे बसच्या फेऱ्या वाढवण्याची प्रवाशांची मागणी
Water passenger traffic will be widened in Raigad after Kashid Jetty construction of Ro Ro Jetty will start at Dighi
रायगडात जलप्रवासी वाहतुकीच्या कक्षा रुंदावणार, काशिद पाठोपाठ दिघी येथे रो-रो जेटीचे बांधकाम सुरू होणार
superfast express trains
कोकण रेल्वे मार्गावरील तीन अतिजलद एक्स्प्रेस दादरपर्यंत धावणार
mangalsutra theft marathi news
मुंबई: धावत्या लोकलमध्ये महिलेचे मंगळसूत्र चोरणाऱ्या दोघांना अटक
Residents of MIDC distressed by overnight digging of Metro on Shilphata Road in Dombivli
डोंबिवलीतील शिळफाटा रस्त्यावरील मेट्रोच्या रात्रभराच्या खोदाईने एमआयडीसीतील रहिवासी त्रस्त
Mumbai Local
मध्य आणि पश्चिम रेल्वे खोळंबली! आठवड्याच्या पहिल्याच दिवशी नोकरदारवर्गाचे पुन्हा हाल, आजही लेटमार्क!
Traffic Jams, Traffic Jams in Kalyan City, Kalyan City, Traffic Jams Cause Daily Struggles for Commuters in kalyan, kalyan news, traffic jam news, marathi news,
कल्याण शहराला कोंडीचा विळखा

हेही वाचा : ‘बीवी सताए, हमें बताएं’, मुंबई मॅरेथॉनमध्ये पुरुषांच्या समर्थनार्थ समूहाकडून अनोखी जनजागृती

‘मला शाळेत असल्यापासूनच व्यायाम व योगासने करण्याची आवड आहे. मी १९८४ पासून गुजरातमधील विविध शहरातील तसेच इतर राज्यातील मॅरेथॉनमध्ये सहभागी होत असून आजतागायत १०० हून अधिक मॅरेथॉन स्पर्धांमध्ये मी धावलो आहे. मुंबई मॅरेथॉनमध्ये सर्वप्रथम २००५ साली ४२ किलोमीटरच्या गटात सहभागी झालो होतो. एखाद दुसऱ्या वर्षाचा अपवाद वगळता मी सातत्याने मुंबई मॅरेथॉनमध्ये धावत आहे. युवा पिढीने व्यसनांपासून दूर राहिले पाहिजे आणि चांगला आहार करून आरोग्यावर लक्ष केंद्रित केले पाहिजे. दररोज काही वेळ व्यायाम केला पाहिजे. मी योग प्रशिक्षण व वजन कमी करण्याबाबत मार्गदर्शनही करतो’, असे तालिया यांनी सांगितले. तसेच मुंबईत कुठेही वास्तव्यास नसल्यामुळे मॅरेथॉन संपल्यावर मुंबई दर्शन करून पुन्हा रेल्वेने सुरतला जाणार असल्याचे त्यांनी सांगितले.