काँग्रेसचे कायकर्ते संदीप सावंत यांचे अपहरण करून त्यांना मारहाण केल्याप्रकरणी माजी खासदार नीलेश राणे यांना दिलासा देण्यास मुंबई उच्च न्यायालयाने मंगळवारी नकार दिला. न्यायालयाने त्यांना २३ मे पर्यंत पोलीस ठाण्यात हजर होण्याचे आदेश दिले आहेत. त्याचबरोबर या प्रकरणात अटकपूर्व जामीन देता येणार नाही, असेही न्यायालयाने स्पष्ट केले. Bombay HC refuses to grant pre-arrest bail to former Congress MP Nilesh Rane in case of alleged assault and abduction of party worker. — Press Trust of India (@PTI_News) May 17, 2016 चिपळूण न्यायालयाने अटकपूर्व जामीन फेटाळल्यानंतर अटक होण्याच्या भीतीने नीलेश राणे यांनी अटकपूर्व जामिनासाठी उच्च न्यायालयात धाव घेतली होती. उच्च न्यायालयाचे सुट्टीकालीन न्यायमूर्ती एम. एस. कर्णिक यांच्यासमोर त्यांच्या गेल्या आठवड्यात सुनावणी झाली. त्या वेळेस कनिष्ठ न्यायालयाच्या आदेशाची प्रत उपलब्ध झाली असून, त्यात तपास पूर्ण झाल्याचे आणि कोठडीची गरज नसल्याचे नमूद करण्यात आले आहे. ही बाब नीलेश यांच्या बाजूने जाणारी असल्यामुळे अटकपूर्व जामिनात त्यानुसार दुरुस्ती करायची आहे. त्यामुळे त्यासाठी वेळ देण्यात यावा, अशी मागणी नीलेश यांचे वकील राजेंद्र शिरोडकर यांनी न्यायालयाला केली होती. त्यामुळे न्यायालयाने सुनावणी आज, १७ मे रोजी ठेवली होती. न्यायालयाने मंगळवारी अटकपूर्व जामीन अर्ज फेटाळतानाच २३ मेपर्यंत पोलीस ठाण्यात हजर होण्याचे आदेश दिले आहेत. HC tells Nilesh Rane to surrender before police on or before May 23. — Press Trust of India (@PTI_News) May 17, 2016
