रंगभूमीवर १०,७०० प्रयोग सादर करून ‘विक्रमादित्य’ बनलेले प्रशांत दामले यांचा मुंबई महापालिकेतर्फे ११ मार्च रोजी नागरी सत्कार करण्यात येणार आहे. प्रशांत दामले यांनी अलीकडेच ‘गेला माधव कुणीकडे’ नाटकाचा प्रयोग सादर करीत रंगमंचावर १०,७०० व्या प्रयोगांचा टप्पा गाठला. नाटकांचे सर्वाधिक प्रयोग सादर करण्याचा विक्रम त्याच्या नावावर नोंदविला गेला आहे. या विक्रमाची दखल घेऊन महापौर सुनील प्रभू यांनी प्रशांत दामलेचा नागरी सत्कार करण्याची घोषणा केली होती. प्रशांत दामलेचा ११ मार्च रोजी पालिका सभागृहात नागरी सत्कार करण्याच्या ठरावास गुरुवारी महासभेत मंजुरी देण्यात आली.