पसंतीच्या वाहन क्रमांकासाठी अधिक रक्कम मोजावी लागेल, राज्य सरकारने ‘व्हीआयपी’ वाहन क्रमांकाचे दर वाढवले

अलीकडच्या काळात पसंतीचा वाहन क्रमांक खरेदी करून अनोखी वाहन क्रमांक पाटी वाहनाला लावण्याचे वेगळा कल सुरू झाला आहे. व्यावसायिक, उच्चपदस्थ अधिकारी, राजकारणी, सेलिब्रिटी आणि काही हौशी मंडळीद्वारे त्यांच्या अत्याधुनिक आणि आरामदायक वाहनांसाठी ‘व्हीआयपी’ वाहन क्रमांकांना प्राधान्य देतात. सर्वाधिक मागणी आणि सर्वाधिक महागडा वाहन क्रमांक ‘०००१’ आहे. या वाहन क्रमांकाचे शुल्क ३ लाख रुपये होते. आता नुकताच जारी झालेल्या राज्य सरकारच्या अधिसूचनेनुसार, ‘०००१’ क्रमांकाची किंमत चारचाकी वाहनांसाठी ५ लाख रुपये होईल. याच क्रमांकासाठी दुचाकी आणि तीनचाकी वाहन क्रमांकासाठी ५० हजार रुपयांपर्यंत आकारले जात होते. या रकमेत दुप्पट करून ही रक्कम १ लाख रुपये केली आहे. तर, मुंबई, पुणे आणि इतर मोठ्या शहरांत जास्त मागणी असलेल्या भागात ‘०००१’ क्रमांकाची किमत चारचाकी वाहनांसाठी ४ लाखांवरून ६ लाख रुपयांपर्यंत वाढली आहे.

आणखी वाचा

मालमत्ता कर थकवणाऱ्या अंधेरीतील विकासकाच्या तीन गाड्यांचा लिलाव

अंकिताचा ‘कोकण हार्टेड बॉय’ कोण आहे? कोकणात करणार…

समभाग विक्रीच्या तुफान माऱ्याने सेन्सेक्स ८२ हजारांखाली

‘पीपीएफ’ गुंतवणूकदारांना मिळणार ७.१ टक्क्यांचा लाभ; पोस्टाच्या योजनांवरील व्याजदर सलग तिसऱ्या तिमाहीत जैसे थे!

सातारा : मान्याचीवाडी अव्वलस्थानासह एक कोटीच्या बक्षिसाची मानकरी, ‘माझी वसुंधरा’ अभियानात प्रथम क्रमांकाची ‘हॅट्रिक’

सहाय्यक आयुक्तांच्या नियुक्त्या, पनवेलकरांच्या सोयीसाठी अधिकाऱ्यांचे क्रमांक जाहीर

चावडी: वाहनाच्या क्रमांकातून गुगली

वसई: विशेष वाहन क्रमांक घेण्याकडे कल वाढला, पावणे दोन वर्षांत ११ हजार वाहनांची आकर्षक क्रमांकासाठी नोंदणी, ९ कोटींचा महसूल

हेही वाचा – मुंबई : …अखेर जोग पुलाची दुरुस्ती होणार, उड्डाणपुलाचा ९५ कोटींचा खर्च पालिका करणार, एमएमआरडीएकडून पैसे वसूल करणार

नवीन दर खासगी आणि व्यावसायिक वाहनांना लागू झाले आहेत. दुचाकी, तीनचाकी आणि इतर वाहन श्रेणींसाठी वेगवेगळे शुल्क आकारले जातील. तसेच एकदा राखून ठेवलेला वाहन नोंदणी क्रमांक वाटप केलेल्या दिनांकापासून सहा महिन्यांच्या आत फक्त कुटुंबातील सदस्यांकडे हस्तांतरित केला जाऊ शकेल.

शुल्क वाढीमुळे परिवहन विभागाच्या महसुलात वाढ होण्याची अपेक्षा आहे. १ जानेवारी २०२४ ते २८ ऑगस्ट २०२४ या कालावधीत २ लाख १० हजार २८० पसंतीचे वाहन क्रमांक खरेदी केले आहेत. यातून परिवहन विभागाला १८६ कोटी रुपयांचा महसूल मिळाला.

हेही वाचा – एसटीच्या ताफ्यात फक्त ६५ विद्युत बस, दर महिना २१५ बस ताफ्यात दाखल करण्याचा झाला होता करार

पसंतीच्या वाहन क्रमांकाची किमत ५ हजारांपासून ते ६ लाखांपर्यंत आहे. १६ पसंतीच्या चारचाकी वाहन क्रमांकाचे नवे शुल्क १ लाखांपर्यंत वाढवण्यात आले आहे. तर, ४९ पसंतीच्या चारचाकी वाहन क्रमांकांचे शुल्क ५० हजारांवरून ७० हजार केले आहे. तर, १८९ पसंतीच्या वाहन क्रमाकांची रक्कम २५ हजारांपर्यंत आहे.