महाराष्ट्र नवनिर्माण सेनेचे प्रमुख राज ठाकरे यांनी करोनावर मात केली आहे. तसेच, राज ठाकरे यांच्या मातोश्री कुंदाताई व त्यांची बहीण या देखील करोनामुक्त झाल्या आहेत. राज ठाकरे यांच्या चाचणीचा अहवाल आज निगेटिव्ह आला आहे. लीलावती रूग्णालयाचे डॉ. जलील पारकर यांनी याबाबत माहिती दिली आहे.
मनसे अध्यक्ष राज ठाकरे आणि त्यांच्या मातोश्रींना करोनाची लागण!
राज ठाकरे यांना करोना संसर्ग झाल्याचे २३ ऑक्टोबर रोजी उघड झाले होते. त्यानंतर त्यांना लीलावती रुग्णालयात दाखल करण्यात आले होते. उपचारानंतर त्यांना घरी सोडण्यात आले होते व त्यानंतर ते गृहविलगीकरणात होते.
राज ठाकरे, त्यांच्या मातोश्री आणि त्यांच्या बहीणेने करोनाचे दोन्ही डोस घेतलेले आहेत. मात्र, त्यानंतर देखील त्यांचे करोना रिपोर्ट पॉझिटिव्ह आल्याचं समोर आलं होतं.
लोकसत्ता आता टेलीग्रामवर आहे. आमचं चॅनेल 
